പിണറായി വിജയനും കുടുംബത്തിനുമെതിരെ ഗുരുതര ആരോപണങ്ങളുമായി ബി.ജെ.പി നേതാവ് ഷോൺ ജോർജ്. സി.എം.ആർ.എൽ (CMRL) - എക്സാലോജിക് ഇടപാടിൽ ഇൻവോയ്‌സുകളില്ലാതെ കൈപ്പറ്റിയ തുക കേവലം സേവന വേതനമല്ലെന്നും, അത് വ്യക്തമായ കൈക്കൂലിയാണെന്നും ഷോൺ ജോർജ് ആരോപിച്ചു. ഭാവിയിലെ ബിസിനസ് ആവശ്യങ്ങൾക്കായി 20 കോടി രൂപയോളം കൈപ്പറ്റിയതായി മന്ത്രി പി.എ. മുഹമ്മദ് റിയാസ് തന്നെ സമ്മതിച്ചിട്ടുണ്ടെന്നും വാർത്താസമ്മേളനത്തിൽ അദ്ദേഹം പറഞ്ഞു. കേസിൽ മുഖ്യമന്ത്രിയും മകൾ വീണ വിജയനും ഉൾപ്പെടെയുള്ളവർ നിയമനടപടി നേരിടേണ്ടി വരുമെന്നും വിഷയത്തിൽ അന്വേഷണം ഊർജ്ജിതമാക്കണമെന്നും ഷോൺ ജോർജ് ആവശ്യപ്പെട്ടു.