മദ്യത്തിനു വില വര്ധിപ്പിക്കണമെന്നാവശ്യപ്പെട്ട് മദ്യവിതരണ കമ്ബനികള്... ഉപതെരഞ്ഞെടുപ്പിന് ശേഷം സംസ്ഥാനത്ത് മദ്യവില കൂടാന് സാധ്യത!!! നിലവില് ബിവറേജസ് കോര്പ്പറേഷനുമായുള്ള കരാര് അടിസ്ഥാനത്തില് മദ്യവിതരണം ചെയ്യുന്നത് നഷ്ടമുണ്ടാക്കുമെന്ന് കമ്ബനികള്
പൊതുമേഖല സ്ഥാപനമായ ട്രാവന്കൂര് ഷുഗേഴ്സും സ്പിരിറ്റ് വില വിര്ധനയുടെ ദുരിതത്തിലായതു കൊണ്ട് തന്നെ ജനപ്രിയ ബ്രാന്ഡായ ജവാനും വില വര്ധിക്കാന് സാധ്യതയുണ്ട്. പ്രതിസന്ധിയുടെ പശ്ചാത്തലത്തില് മദ്യത്തിനു വില വര്ധിപ്പിക്കണമെന്നാവശ്യപ്പെട്ട് മദ്യവിതരണ കമ്ബനികള് ബിവറേജസ് കോര്പ്പറേഷന് കത്തു നല്കിയിട്ടുണ്ട്. വിലവര്ധിച്ച സാഹചര്യത്തില് നിലവില് ബിവറേജസ് കോര്പ്പറേഷനുമായുള്ള കരാര് അടിസ്ഥാനത്തില് മദ്യവിതരണം ചെയ്യുന്നത് തങ്ങള്ക്ക് നഷ്ടമുണ്ടാക്കുമെന്നാണ് കമ്ബനികള് പറയുന്നത്. അതുകൊണ്ട് തന്നെ ഉപതെരഞ്ഞെടുപ്പിന് ശേഷം സംസ്ഥാനത്ത് മദ്യവില കൂടാന് സാധ്യത കൂടുതലാണ്. മദ്യം ഉത്പാദിപ്പിക്കുന്നതിനുള്ള എക്സട്രാ ന്യൂട്രല് ആല്ക്കഹോളിന്റെ (സ്പിരിറ്റ്) വില കുതിച്ചുയര്ന്നത് ഉത്പാദന ചെലവ് കൂടാന് കാരണമായി. ലിറ്ററിനു 45 രൂപ ആയിരുന്ന സ്പിരിറ്റിന് ഇപ്പോള് 70 രൂപയാണ് വില. ഈ സാഹചര്യത്തില് നഷ്ടമൊഴിവക്കാന് വില വര്ധിപ്പിക്കണമെന്നാണ് മദ്യവിതരണ കമ്ബനികളുടെ ആവശ്യം.
https://www.facebook.com/Malayalivartha
