കണ്ണൂര് പഴയങ്ങാടിയിലെ ചൈനാക്ലേ യൂണിറ്റ് നവീകരിച്ച് ചകിരി ഉത്പന്ന നിര്മാണ കേന്ദ്രമാക്കുന്നു
കണ്ണൂര് പഴയങ്ങാടിയിലെ പ്രവര്ത്തനം നിലച്ച ചൈനാക്ലേ യൂണിറ്റ്, ചകിരി ഉത്പന്ന നിര്മാണ കേന്ദ്രമാകുന്നു. ആദ്യ ഘട്ട നിര്മാണ പ്രവര്ത്തനങ്ങള്ക്ക് 2 കോടി 68 ലക്ഷം രൂപ അനുവദിച്ചു. പദ്ധതി പ്രദേശം മന്ത്രി തോമസ് ഐസക് സന്ദര്ശിച്ചു.
പഴയങ്ങാടി മാടായിയിലെ കേരള ക്ലേസ് ആന്ഡ് സെറാമിക്സ് യൂണിറ്റ് നവീകരിച്ചാണ് ചകിരി ഉത്പാദന കേന്ദ്രമാക്കി മാറ്റുന്നത്. ഖനനം നിര്ത്തിയതിനാല് ജോലി ഇല്ലാതായ ക്ലേസ് ആന്ഡ് സെറാമിക്സ് കമ്പനിയിലെ ജോലിക്കാര്ക്ക് പുതിയ സംരഭത്തില് തൊഴില് ഉറപ്പാക്കും. ഒരു ദിവസം അറുപതിനായിരം തൊണ്ട് സംസ്കരിച്ചുകൊണ്ട് വിവിധ ഉത്പന്നങ്ങള് നിര്മിക്കുകയാണ് ലക്ഷ്യം. ചകിരിച്ചോറ് കൊണ്ടുള്ള ഹാര്ഡ് ബോര്ഡ്, മണ്ണൊലിപ്പ് തടയാന് ഉപയോഗിക്കുന്ന കയര് ഭൂവസ്ത്രം, പൂന്തോട്ട സാമഗ്രികള്, പരിസ്ഥിതി സൗഹൃദമായ വളങ്ങള് എന്നിവ നിര്മിക്കും.
കാസര്കോട് നീലേശ്വരത്തും ഇത്തരത്തില് ചകിരി ഉത്പന്ന നിര്മാണ കേന്ദ്രം തുടങ്ങുന്നുണ്ട്. കണ്ണൂര്, കാസര്കോട് ജില്ലകളില് നിന്നായി കുടുംബശ്രീ മുഖേനയാണ് തൊണ്ടുകള് ശേഖരിക്കുക. മാടായി, മാട്ടൂല് എന്നീ തീരദേശ പഞ്ചായത്തുകള്ക്കും ഏറെ ഗുണകരമാകുന്ന പദ്ധതി ജനുവരിയില് പൂര്ത്തിയാക്കാനാകുമെന്നാണ് പ്രതീക്ഷയെന്ന് സ്ഥലം സന്ദര്ശിച്ച മന്ത്രി തോമസ് ഐസക് പറഞ്ഞു.
ആദ്യഘട്ടത്തില് 2.68 കോടി രൂപയാണ് ഇതിനായി അനുവദിച്ചത്. രണ്ടാംഘട്ടത്തില് പത്തു കോടി രൂപ കൂടി അനുവദിക്കും. ജെയിംസ് മാത്യു എംഎല്എ,കേരള ക്ലേയിസ് ആന്ഡ് സെറാമിക്സ് ചെയര്മാന് ടി. കെ. ഗോവിന്ദന് തുടങ്ങിയവര് മന്ത്രിക്കൊപ്പം ഉണ്ടായിരുന്നു.
https://www.facebook.com/Malayalivartha
