പ്രമുഖ എനര്ജി ഡ്രിങ്ക് ബ്രാന്ഡുകള്ക്ക് നോട്ടീസ് നല്കി എഫ്എസ്എസ്എഐ
പ്രമുഖ എനര്ജി ഡ്രിങ്ക് ബ്രാന്ഡുകള്ക്ക് നോട്ടീസ് നല്കി ഫുഡ് സേഫ്റ്റി സ്റ്റാന്ഡേഡ് അതോറിറ്റി (എഫ്എസ്എസ്എഐ). റെഡ് ബുള് എനര്ജി ഡ്രിങ്ക്, പെപ്സികോയുടെ അഡ്രിനാലിന് റഷ് എനര്ജി ഡ്രിങ്ക്, റിലയന്സ് കണ്സ്യൂമര് പ്രൊഡക്ട്സിന്റെ കാമ്പാ എനര്ജി ഡ്രിങ്ക് ഗോള്ഡ് ബൂസ്റ്റ്, സ്റ്റിങ് എനര്ജി ഡ്രിങ്ക്, ഹെല് എനര്ജി, കോക്കകോളയുടെ പിന്തുണയുള്ള മോണ്സ്റ്റര് എനര്ജി എന്നീ പാനീയങ്ങള്ക്കാണ് നോട്ടീസ് നല്കിയിരിക്കുന്നത്.
എനര്ജി ഡ്രിങ്ക് എന്നത് തെറ്റിദ്ധാരണ ഉണ്ടാക്കുന്ന ബ്രാന്ഡിംഗ് ആണെന്ന് ഫുഡ് സേഫ്റ്റി ആന്ഡ് സ്റ്റാന്ഡേര്ഡ് അതോറിറ്റി ഓഫ് ഇന്ത്യ നിരീക്ഷിക്കുന്നു. പാക്കേജ്ഡ് എനര്ജി ഡ്രിങ്കുകള് വിപണിയില് വന്തോതില് വിറ്റഴിക്കപ്പെടുമ്പോഴും അവയുടെ ഫലപ്രാപ്തിയെക്കുറിച്ചും പാര്ശ്വഫലങ്ങളെക്കുറിച്ചും ആശങ്കകള് നിലനില്ക്കുന്നുണ്ട്. ഈ സാഹചര്യത്തില്, എനര്ജി ഡ്രിങ്ക് എന്ന പേരില് ഉല്പ്പന്നങ്ങള് വിപണനം ചെയ്യുകയും ഉപഭോക്താക്കളെ തെറ്റിദ്ധരിപ്പിക്കുകയും ചെയ്ത പ്രമുഖ പാനീയ ബ്രാന്ഡുകള്ക്കാണ് നോട്ടീസ്.
https://www.facebook.com/Malayalivartha
