കെഎസ്‌ആര്‍ടിസി ബസ് നിയന്ത്രണം വിട്ട് കടയിലേക്ക് ഇടിച്ചു കയറി. അപകടത്തിൽ 20 പേര്‍ക്ക് പരിക്കേറ്റു. മലപ്പുറത്ത് കോട്ടക്കലിനടുത്ത് വെന്നിയൂരിലാണ് അപകടം നടന്നത്. പരിക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്.

തൃശൂരില്‍ നിന്നും കോഴിക്കോട്ടേക്ക് പോകുകയായിരുന്നു ബസ്. എതിര്‍ ദിശയില്‍ നിന്നും വന്ന വാനിനെ ഇടിച്ചതിനെ തുടര്‍ന്ന് നിയന്ത്രണം വിടുകയായിരുന്നു. പിന്നീട് ഇരുചക്രവാഹനങ്ങളെ ഇടിച്ച്‌ തെറിപ്പിച്ച് കടയിലേക്ക് പാഞ്ഞുകയറി. തിരൂരങ്ങാടി പൊലീസിന്റെ നേതൃത്വത്തില്‍ രക്ഷാപ്രവര്‍ത്തനം നടന്ന് കൊണ്ടിരിക്കുകയാണ്. അപകടത്തെ തുടര്‍ന്ന് പാതയില്‍ ഗതാഗതം സ്തംഭിച്ചിട്ടുണ്ട് .