ചെന്നിത്തലയുടെ യുഎസ് യാത്രയ്ക്കെതിരെ അപകീര്ത്തി പരാമര്ശം നടത്തിയവര്ക്കെതിരെ കേസ്
ആഭ്യന്തര മന്ത്രി രമേശ് ചെന്നിത്തലയുടെ യു.എസ് സന്ദര്ശനവുമായി ബന്ധപ്പെട്ട് സോഷ്യല് മീഡിയയില് അപകീര്ത്തികരമായ കുറിപ്പുകള് പങ്കുവച്ചതിന് സി.പി.എം നേതാവ് കെ.എസ്. അരുണ്കുമാര് ഉള്പ്പെടെ നാലു പേര്ക്കെതിരെ കേസ്. യൂത്ത് കോണ്ഗ്രസ് സംസ്ഥാന ജനറല് സെക്രട്ടറി ബി.എസ്. സുബിജ നല്കിയ പരാതിയിലാണ് തിരുവനന്തപുരം സൈബര് പൊലീസ് കേസെടുത്തിരിക്കുന്നത്.
അരുണ് കുമാറിനെ കൂടാതെ സി.പി.എം അനുകൂല ഫേസ്ബുക്ക് പേജായ പോരാളി ഷാജി, ഷാജി ചാള്സ്, കുഞ്ഞാലന്കുട്ടി എന്നിവര്ക്കെതിരെയാണ് കേസെടുത്തത്. ഇവര്ക്കെതിരെ മാനനഷ്ടം, കലാപമുണ്ടാക്കാന് ലക്ഷ്യമിട്ടുള്ള വ്യാജപ്രചാരണം എന്നീ വകുപ്പുകള് ചുമത്തി.
ചെന്നിത്തലയുടെ യു.എസ് സന്ദര്ശനത്തെ കുറിച്ചുള്ള വ്യാജ പ്രചാരണത്തിനെതിരെ കഴിഞ്ഞ ദിവസമാണ് തിരുവനന്തപുരം സിറ്റി പൊലീസ് കമ്മിഷണര്ക്കും കന്റോണ്മെന്റ് എ.സി.പിക്കും സുബിജ പരാതി നല്കിയത്. വിമാനത്തില് ഏറ്റവും ഉയര്ന്ന വിലയുള്ള ടിക്കറ്റിലാണ് മന്ത്രി യാത്ര ചെയ്തത്, സര്ക്കാര് ഖജനാവില് നിന്ന് പണം ചെലവഴിച്ചു തുടങ്ങിയ പരാമര്ശങ്ങളടങ്ങിയ പോസ്റ്റുകളാണ് സോഷ്യല് മീഡിയയില് പങ്കുവച്ചത്.
https://www.facebook.com/Malayalivartha
