കൊച്ചിയില്‍ മയക്കു മരുന്നുപയോഗം ആശങ്കാജനകമായ വിധത്തില്‍ വര്‍ധിയ്ക്കുന്നുണ്ടെന്നും പെണ്‍കുട്ടികളടക്കമുള്ള യുവ തലമുറയാണ് കൂടുതലായി ഇരകളാകുന്നതെന്നും സ്ഥാനമൊഴിയുന്ന കൊച്ചി സിറ്റി ഡെപ്യൂട്ടി പൊലിസ് കമ്മിഷണര്‍ ആര്‍. നിശാന്തിനി. കൊച്ചി നഗരത്തില്‍ കഴിഞ്ഞ ഒന്നര വര്‍ഷത്തിനിടയില്‍ വിവിധയിടിങ്ങളില്‍ നടത്തിയ റെയ്ഡുകളുടെ അടിസ്ഥാനത്തിലാണ് ഈ നിഗമനം. കഞ്ചാവ് മുതല്‍ ഏറ്റവുമൊടുവില്‍ കൊക്കെയ്ന്‍ വരെ മിക്കവാറും എല്ലാവിധ മയക്കു മരുന്നുകളും ഈ റെയ്ഡുകളില്‍ കണ്ടെത്തിയിട്ടുണ്ടെന്ന് നിശാന്തിനി പറഞ്ഞു. മയക്കു മരുന്നിന്റെ ഒഴുക്കു തടയാനുള്ള നടപടികള്‍ ശക്തിപ്പെടുത്തണം. 
വീടുകളിലും ഫ്‌ളാറ്റുകളിലും ഹോട്ടലുകളിലും നടക്കുന്ന സല്‍ക്കാരങ്ങളില്‍ വിവിധ രൂപത്തിലുള്ള മയക്കു മരുന്നുകള്‍ വിളമ്പുന്നുണ്ട്. ഇതു കണ്ടില്ലെന്നു നടിക്കാനാവില്ലെന്നും പൊലീസ് മാത്രം വിചാരിച്ചാല്‍ തടയാനാവില്ലെന്നും അവര്‍ മുന്നറിയിപ്പു നല്‍കി . കുടുംബങ്ങളും സമൂഹവും വിചാരിക്കണം. പുകവലിയിലൂടെ മാത്രമല്ല പലരും ഇരകളാകുന്നതെന്ന് നിശാന്തിനി പറഞ്ഞു. ചില പാര്‍ട്ടികളില്‍ ഇരകളറിയാതെ തന്നെ ജ്യൂസില്‍ ചേര്‍ത്ത നിലയില്‍ മയക്കു മരുന്നു നല്‍കപ്പെടുന്നു. പെണ്‍കുട്ടികളും സ്ത്രീകളുമാണ് ഇങ്ങനെ ഇരകളാകുന്നത്. ആദ്യമൊന്നും അറിയില്ല. ക്രമേണ ഇരകളാക്കപ്പെടുന്നുവെന്നും അവര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha