വ്യായാമം ചെയ്യാന് മടിച്ചുനില്ക്കുന്നവരെ സഹായിക്കാന് പദ്ധതിയുമായി ആരോഗ്യവകുപ്പ്... എല്ലാ ജില്ലയിലും പൊതുസ്ഥലങ്ങളില് ഓപണ് ജിംനേഷ്യം തുടങ്ങാനുള്ള പദ്ധതിക്ക് അന്തിമരൂപമായി., വ്യായാമശീലം പ്രോത്സാഹിപ്പിക്കുകയും ഓരോരുത്തരെയും ആരോഗ്യസംരക്ഷണത്തില് ബോധവാന്മാരാക്കുകയുമാണ് പദ്ധതിയുടെ ലക്ഷ്യം
വ്യായാമം ചെയ്യാന് മടിച്ചുനില്ക്കുന്നവരെ സഹായിക്കാന് പദ്ധതിയുമായി ആരോഗ്യവകുപ്പ്. എല്ലാ ജില്ലയിലും പൊതുസ്ഥലങ്ങളില് ഓപണ് ജിംനേഷ്യം തുടങ്ങാനുള്ള പദ്ധതിക്ക് അന്തിമരൂപമായി. പൊതുജനങ്ങള്ക്ക് സൗജന്യമായി ഉപയോഗിക്കാവുന്ന ജിമ്മുകള് ഫെബ്രുവരിയോടെ പ്രവര്ത്തനം ആരംഭിക്കും. സംസ്ഥാനത്ത് രക്തസമ്മര്ദവും പ്രമേഹവും കൊളസ്ട്രോളുമടക്കം ജീവിതശൈലി രോഗങ്ങള്ക്ക് ചികിത്സ തേടുന്നവരുടെ എണ്ണം കൂടിവരുന്ന സാഹചര്യത്തിലാണ് 'എന്റെ ആരോഗ്യം എന്റെ ഉത്തരവാദിത്തം' എന്ന ആശയത്തിന് ഊന്നല് നല്കി പദ്ധതി ആവിഷ്കരിച്ചത്.വ്യായാമശീലം പ്രോത്സാഹിപ്പിക്കുകയും ഓരോരുത്തരെയും ആരോഗ്യസംരക്ഷണത്തില് ബോധവാന്മാരാക്കുകയുമാണ് പദ്ധതിയുടെ ലക്ഷ്യം.
എല്ലാ ജില്ലയിലും ജില്ല ആസ്ഥാനത്തിന് പുറമെ തെരഞ്ഞെടുത്ത ഒരു നഗരസഭയിലും മൂന്ന് പഞ്ചായത്തിലുമാകും ഇവ തുടങ്ങുക. കലക്ടര് അധ്യക്ഷനായ സമിതി അനുയോജ്യമായ സ്ഥലം കണ്ടെത്തും. കൂടുതല് പേര്ക്ക് എളുപ്പം എത്താവുന്ന സ്ഥലങ്ങളാകും പരിഗണിക്കുക. മഴയും വെയിലുമേറ്റാല് കേടാകാത്തതും എല്ലാവര്ക്കും പൊതുവായി ഉപയോഗിക്കാവുന്നതുമായ ഉപകരണങ്ങളാണ് ഇവിടെ സജ്ജീകരിക്കുക. ഉപകരണങ്ങള് പ്രവര്ത്തിപ്പിക്കുന്നത് സംബന്ധിച്ച മാര്ഗനിര്ദേശങ്ങള് സ്ഥലത്ത് പ്രദര്ശിപ്പിക്കും.
സ്ഥലത്ത് നടപ്പാതയും ഒരുക്കും. രാവിലെ മുതല് രാത്രി വരെ ഏത് പ്രായക്കാര്ക്കും ജിമ്മിലെ സൗകര്യങ്ങള് ഉപയോഗിക്കാം. സ്ത്രീകള്ക്ക് പ്രത്യേക സമയക്രമം നിശ്ചയിക്കും. ജില്ല ആസ്ഥാനത്ത് ഓപണ് ജിം ഒരുക്കാന് ഏഴുലക്ഷം വീതവും മുനിസിപ്പാലിറ്റികള്ക്കും പഞ്ചായത്തുകള്ക്കും നാലുലക്ഷം വീതവും അനുവദിച്ചിട്ടുണ്ട്. ആരോഗ്യവകുപ്പ് തയാറാക്കിയ പട്ടികയില്നിന്ന് ഓരോ സ്ഥലത്തേക്കും അനുയോജ്യമായ ഉപകരണങ്ങള് ഇ-ടെന്ഡര് വഴി വാങ്ങും. ഇവയുടെ മേല്നോട്ടം ബന്ധപ്പെട്ട തദ്ദേശ സ്ഥാപനത്തിനായിരിക്കും. ഉപകരണങ്ങളുടെ അറ്റകുറ്റപ്പണിക്ക് ആരോഗ്യ വകുപ്പ് എല്ലാ വര്ഷവും പണം അനുവദിക്കും.
https://www.facebook.com/Malayalivartha
