പോരാട്ടമില്ലാത്തലോകത്തേക്ക് ഷാനവാസ് യാത്രയായി
ഒരു യഥാര്‍ത്ഥപോരാളിയെ തോല്‍പ്പിക്കാന്‍ കഴിയില്ല എന്ന സത്യം ലോകത്തോട് വിളിച്ചുപറഞ്ഞ് ഷാനവാസ് യാത്രയായി. അതങ്ങനെയാണ് ഒരിക്കലും നല്ല മനുഷ്യര്‍ക്ക് ദൈവം അധികം ആയുസ്സ് നല്‍കാറില്ല . ആദിവാസികള്‍ക്കിടയില്‍ ആതുരസേവനത്തിലൂടെ പൊതുജനശ്രദ്ധയിലെത്തിയ ഡോ. പി.സി. ഷാനവാസ് ഹൃദയാഘാതത്തെ തുടര്‍ന്ന് അന്തരിച്ചപ്പോള്‍ അനാഥരായത് ഒരു കുടുംബമല്ല. ഒട്ടനവധി കുടുംബങ്ങളാണ്. ഇനി ആ വിരലുകള്‍ ഒരിക്കലും പോരാട്ടത്തിന്റെ തീപാറുന്ന വാക്കുകള്‍ ഫെയ്‌സ് ബുക്കില്‍ കുറിക്കില്ല.
ഹേ അധികാരികളെ നിങ്ങളുടെ നിരന്തരമായ മാനസിക പീഡനം മൂലം എനിക്കെന്തെങ്കിലും സംഭവിച്ചാല്‍ അതിന്റെ പൂര്‍ണ ഉത്തരവാദിത്തം നിങ്ങള്‍ക്കായിരിക്കും. ആദിവാസികള്‍ക്കിടയില്‍ ആതുരസേവനം നടത്തി ശ്രദ്ധ നേടിയ ഡോ. പി.സി. ഷാനവാസിന്റെ രണ്ടു ദിവസം മുന്‍പത്തെ ഫെയ്‌സ്ബുക്ക് പോസ്റ്റാണിത്. \'ഹൈക്കോടതിയില്‍ ഞാന്‍ എല്ലാ സത്യവും തുറന്നു പറയും. ഫെബ്രുവരി 12- തീയതി ഷാനവാസിന്റെ പോസറ്റ് ഇങ്ങനെയാണ്. എന്നാല്‍ ഇന്നു സത്യങ്ങള്‍ ഒന്നും വിളിച്ചു പറയാന്‍ ഷാനവാസ് ഇല്ല. ഇന്നലെ രാത്രി ഷാനവാസ് ഈ ലോകത്തിനോട് വിട പറഞ്ഞു. ഷാനവാസ് പറയാന്‍ കരുതിയ സത്യങ്ങള്‍ എന്തൊക്കെയായാലും ആതാരുടെയൊക്കെയോ വികൃത മുഖങ്ങള്‍ സമൂഹത്തിനു മുന്നില്‍ കാട്ടിത്തരുമെന്നുറപ്പായിരുന്നു.
ഇന്നലെ രാവിലെ കോഴിക്കോട്ടേക്കു പോയ ഷാനവാസ് മലപ്പുറത്തെ വീട്ടിലേക്കു മടങ്ങുന്നതിനിടെയാണ് മരണം സംഭവിച്ചത്. കാറിന്റെ പിന്‍സീറ്റിലിരുന്ന ഷാനവാസ് അബോധാവസ്ഥയിലാവുകയും മരണം സംഭവിക്കുകയയുമായിരുന്നു. ഒപ്പമുണ്ടായിരുന്ന സുഹൃത്ത് ഷാനവാസിനെ ഉടന്‍ തന്നെ എടവണ്ണയിലെ രാജഗിരി ആശുപത്രിയിലെത്തിച്ചു. കോഴിക്കോട് മെഡിക്കല്‍ കോളജിലേക്കുള്ള യാത്രാമധ്യേ ഷാനവാസ് അന്ത്യശ്വാസം വലിച്ചു. മരണസമയത്ത് പിതാവ് മുഹമ്മദും ഒപ്പമുണ്ടായിരുന്നു.
ഷാനവാസ് ഇന്നില്ലെങ്കിലും അദ്ദേഹത്തിന്റെ ഓരോ ഫെയ്‌സ്ബുക്ക് പോസ്റ്റും സമൂഹത്തിലെ ചില ഉന്നത അധികാരികള്‍ക്കുനേരെയാണ് വിരല്‍ ചൂണ്ടുന്നത്. ജില്ലാ മെഡിക്കല്‍ ഓഫീസര്‍മാര്‍ ഗവണ്‍മെന്റിന്റെ അനുമതിയില്ലാതെ നടത്തുന്ന വിദേശ യാത്രകള്‍, അനധികൃത മരുന്നു കച്ചവടം, രാഷ്ട്രീയ കൈക്കൂലി, അഴിമതികള്‍ എന്നിവ ജനമധ്യത്തിനു മുന്നില്‍ തുറന്നു കാണിക്കുവാനുള്ള സമയമായിരിക്കുന്നുവെന്നു ഷാനവാസ് എഴുതിയതും മരണത്തിനു രണ്ടു ദിവസം മുന്‍പാണ്. ഇവയെല്ലാം തന്നെ ചില ഉന്നതരുടെ പേരുകള്‍ ഷാനവാസ് വെളിപ്പെടുത്താന്‍ കരുതിയിരുന്നു എന്നു വെളിപ്പെടുത്തുന്നവയാണ്.
ആധിവാസികള്‍ക്കിടയിലേക്ക് ഇറങ്ങിത്തിരിക്കുമ്പോള്‍ അദ്ദേഹത്തിന് വല്ലാത്തൊരാവേശമായിരുന്നു. ഒരു ഉത്തമ മനുഷ്യ സ്‌നേഹിയെക്കൂടിയാണ് വിധി നേരത്തെ കവര്‍ന്നെടുത്തത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
