അഞ്ഞൂറു രൂപക്കാരന്റെ ഹോട്ടലില്‍ റെയ്ഡ്
കൊച്ചിയിലെ കൊക്കെയ്ന്‍ കേസുമായി ബന്ധപ്പെട്ട് പ്രമുഖ സംവിധായകന്‍ ആഷിക് അബുവിന്റെ ഉടമസ്ഥതയിലുള്ള കഫേ പപ്പായ റെസ്‌റ്റോറന്റില്‍ പോലീസ് റെയ്ഡ്. വാലന്റൈന്‍സ് ഡേയുമായി ബന്ധപ്പെട്ട് കൊച്ചിയിലേക്ക് വന്‍തോതില്‍ മയക്കുമരുന്ന് എത്തിയതായുള്ള വിവരത്തെത്തുടര്‍ന്നായിരുന്നു പോലീസിന്റെ മിന്നല്‍ റെയ്ഡ്.
\'കഫേ പപ്പായ\'യ്ക്കു പുറമേ കൊച്ചിയിലെ പഞ്ചനക്ഷത്ര ഹോട്ടലുകളായ ഡ്രീം, ക്രൗണ്‍ പ്ലാസ എന്നിവിടങ്ങളിലും പോലീസ് പരിശോധന നടത്തി. കൊച്ചിയിലെ കൊക്കെയ്ന്‍ കേസുമായി ബന്ധപ്പെട്ടു നടത്തിയ പോലീസ് അന്വേഷണത്തില്‍ ന്യൂ ജനറേഷന്‍ സിനിമാ ലോകത്തിന്റെ പങ്കു വ്യക്തമായ വിവരം മംഗളം റിപ്പോര്‍ട്ട് ചെയ്തതു വന്‍ വിവാദമായിരുന്നു; ആഷിക് അബു ഉള്‍പ്പെടെയുള്ള സിനിമാരംഗത്തെ പ്രമുഖര്‍ പോലീസ് നിരീക്ഷണത്തിലാണെന്ന വാര്‍ത്തയാണു വിവാദക്കൊടുങ്കാറ്റുയര്‍ത്തിയത്. ഇതിനെതിരേ ആഷിക് അബുവും ഭാര്യയായ നടി റിമാ കല്ലിങ്കലും ശക്തമായ ആക്ഷേപങ്ങളുമായി രംഗത്തെത്തിയിരുന്നു.
വാര്‍ത്തയെഴുതിയ ലേഖകനെ വ്യക്തിപരമായി അധിക്ഷേപിക്കാനും ദമ്പതികള്‍ തയാറായി. വരുംദിവസങ്ങളില്‍ സംശയനിഴലിലുള്ള ചില സിനിമാ പ്രമുഖരെ ചോദ്യം ചെയുന്നതയുള്‍പ്പെടെയുള്ള നടപടികളിലേക്ക് പോലീസ് കടക്കുമെന്നാണ് സൂചന.
റെയ്ഡ് വാര്‍ത്തയെ നിഷേധിച്ച് ആഷിക്ക് അബു രംഗത്തെത്തിയെങ്കിലും പോലീസ് അതെല്ലാം തള്ളിക്കളഞ്ഞ് കൂടുതല്‍ റെയ്ഡുകളിലേക്ക് കടക്കാനുള്ള നടപടികളുമായി മുമ്പോട്ട് പോവുകയാണ്. അതേ സമയം ആഷിക്ക് അബുവുന്റെ ഫേയ്സ് ബുക്ക് പേജില്‍ ആളുകളുടെ ചീത്തവിളികള്‍ തുടരുകയാണ്. ബാര്‍ കോഴ വിഷയത്തില്‍ എന്റെ വക അഞ്ഞൂറെന്ന ആഷിക്കിന്റെ ഫെയ്‌സ് ബുക്ക് പോസ്റ്റിന് മികച്ച പിന്തുണ ലഭിച്ചിരുന്നു. ഇപ്പോള്‍ അതിന്റെ ഇരട്ടി ആവേശത്തിലാണ് ആഷിക്ക് അബുവിനെതിരെ സോഷ്യല്‍ മീഡിയയിലെല്ലാം ആക്രമണങ്ങള്‍ വന്നുകൊണ്ടിരിക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
