മന്ത്രി മാണിക്കെതിരായ സമരരീതി സംബന്ധിച്ച് തീരുമാനമായില്ല
ബാര് കോഴ ആരോപണ വിധേയനായ ധനമന്ത്രി കെ.എം.മാണിക്കെതിരെ നിയമസഭയില് സ്വീകരിക്കേണ്ട സമരരീതി സംബന്ധിച്ച് ഇന്നു ചേര്ന്ന എല്.ഡി.എഫ് സംസ്ഥാന സമിതി യോഗത്തില് തീരുമാനമായില്ല. സമരം സംബന്ധിച്ച് വിശദമായ ചര്ച്ചകള്ക്കായി മാര്ച്ച് ആറിന് വീണ്ടും യോഗം ചേരാന് തീരുമാനിക്കുകയായിരുന്നു. അതേസമയം ആരോപണ വിധേയനായ മാണിക്ക് ബഡ്ജറ്റ് അവതരിപ്പിക്കാന് യോഗ്യതയില്ലെന്നും യോഗം വിലയിരുത്തി.
മാണിക്കെതിരായ സമരം ശക്തമാക്കണമെന്ന് യോഗത്തില് സി.പി.ഐ നിലപാടെടുത്തു. ആരോപണം ഉയര്ന്നപ്പോള് തന്നെ മാണിക്കെതിരെ സമരവും പ്രചരണങ്ങളും തുടങ്ങേണ്ടിയിരുന്നു. എന്നാല് വൈകിയാണ് സമരപരിപാടികളിലേക്ക് മുന്നണി കടന്നത്. ഇത് ഇനി ആവര്ത്തിക്കരുതെന്നും സി.പി.ഐ സംസ്ഥാന സെക്രട്ടറി പന്ന്യന് രവീന്ദ്രന് യോഗത്തില് പറഞ്ഞു. മാണി ബഡ്ജറ്റ് അവതരിപ്പിക്കുന്നത് എന്തുവില കൊടുത്തും തടയണമെന്നും അദ്ദേഹം പറഞ്ഞു. നിയമസഭയ്ക്ക് അകത്തും പുറത്തും മാണിക്കെതിരെ പ്രക്ഷോഭം വേണമെന്ന അഭിപ്രായത്തിന് യോഗത്തില് പിന്തുണ ലഭിക്കുകയും ചെയ്തു. തുടര്ന്നാണ് സമരരീതി തീരുമാനിക്കുന്നതിന് മാര്ച്ച് ആറിന് യോഗം ചേരാമെന്ന തീരുമാനത്തില് യോഗം എത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha