തിരുവല്ലയില്‍ നിന്നും കാണാതായ പ്ലസ്‌വണ്‍ വിദ്യാര്‍ത്ഥിനികളെക്കുറിച്ച് വിവരമൊന്നുമില്ലാതെ പോലീസ് ഇരുട്ടില്‍ത്തപ്പുന്നു. കാമുകനായ യുവാവും മുങ്ങിയതോടെ പെണ്‍കുട്ടികളെ കടത്തിയത് ആസൂത്രിതമായാണ് എന്ന നിഗമനത്തിലാണ് പോലീസ്. സംഭവത്തിനു പിന്നില്‍ വമ്പന്‍ സെക്‌സ് മാഫിയ ഉണ്ടെന്ന് നാട്ടുകാര്‍ സംശയിക്കുന്നു. കാണാതായ പെണ്‍കുട്ടികളില്‍ ഒരാളുടെ ബാഗ് റെയില്‍വേ ട്രാക്കില്‍ നിന്നും ലഭിച്ചത് പോലീസിനെ കുഴയ്ക്കുന്നുണ്ട്.
നഗരത്തിലെ പ്രമുഖ ഹയര്‍സെക്കന്‍ഡറി സ്‌കൂള്‍ പ്ലസ്‌വണ്‍ വിദ്യാര്‍ത്ഥിനികളെയാണ് കഴിഞ്ഞ ബുധനാഴ്ച മുതല്‍ കാണാതായത്. ഇതുമായി ബന്ധപ്പെട്ടുനടക്കുന്ന അന്വേഷണത്തിലാണ് തിരോധാനത്തിനു പിന്നില്‍ കാമുകന് പങ്കുള്ളതായി സൂചന ലഭിച്ചിട്ടുള്ളത്. മൂന്നു പെണ്‍കുട്ടികളില്‍ ഒരാളുമായി അടുപ്പത്തിലായിരുന്ന പാലിയേക്കര സ്വദേശിയായ ഇരുപത്തിയൊന്നുകാരനെയാണ് പൊലീസ് സംശയിക്കുന്നത്.
സ്‌കൂളിലേക്കെന്നു പറഞ്ഞാണ് കുട്ടികള്‍ ബുധനാഴ്ച വീട്ടില്‍നിന്ന് ഇറങ്ങിയത്. അന്നു വൈകിട്ട് മുതലാണ് ഇവരെ കാണാതായത്. അന്നേദിവസം രാവിലെ കുട്ടികള്‍ മൂവരും സ്‌കൂളില്‍ എത്തിയിരുന്നതായും ക്ലാസില്‍ കയറിയിരുന്നില്ലെന്നും സഹപാഠികള്‍ പറയുന്നു. കാണാതായ കുട്ടികളില്‍ ദൃശ്യയുടെ പുസ്തകവും ബുക്കും അടങ്ങിയ സ്‌കൂള്‍ ബാഗ് വ്യാഴാഴ്ച രാത്രി 11 മണിയോടെ തകഴി റെയില്‍വേ ക്രോസിനുസമീപമുള്ള വയലില്‍നിന്നും കണ്ടെടുത്തിരുന്നു. ബാഗ് പരിശോധിച്ചതില്‍നിന്നും കുട്ടികളുടെ തിരോധാനം സംബന്ധിച്ച കൂടുതല്‍ വിവരങ്ങളൊന്നും പൊലീസിന് ലഭിച്ചില്ല. യുവാവിനെ കാണാതായ ദിവസം തന്നെയാണ് സ്‌കൂള്‍ ബാഗ് ലഭിച്ചതെന്നത് സംഭവവുമായി യുവാവിനുള്ള ബന്ധത്തിന് ആക്കംകൂട്ടുന്നു. യുവാവ് എത്തിച്ചേരുന്നതിനു വേണ്ടി പെണ്‍കുട്ടികള്‍ കാത്തിരുന്നതിനുശേഷം ഇവര്‍ ഒരുമിച്ച് ട്രെയിനില്‍ നാടുവിട്ടതാകാമെന്നാണ് പൊലീസ് നിഗമനം.
പെണ്‍കുട്ടികള്‍ നാടുവിട്ടതിനു ശേഷവും ഇവിടെത്തന്നെ തുടര്‍ന്ന കാമുകന്‍ രണ്ടുദിവസത്തിനുശേഷം മുങ്ങി അവര്‍ക്കൊപ്പം ചേര്‍ന്നിരിക്കാമെന്നാണു കരുതുന്നത്. പിന്നീട് ഇയാള്‍ തന്നെ ഇവരെ എത്തേണ്ടിടത്ത് എത്തിച്ചിരിക്കാം. കൂടുതല്‍ പണം കൈവശമില്ലാത്തതിനാല്‍ കുട്ടികള്‍ ഏറെ ദൂരം തനിയെ സഞ്ചരിക്കാന്‍ ഇടയില്ലെന്ന് പൊലീസ് കരുതുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha