കൊക്കെയ്ന്‍ ഉപയോഗിക്കുന്ന പല പ്രമുഖരെയും അറിയാം, പേര് പറഞ്ഞാല്‍ നിങ്ങള്‍ക്ക് അവരെ ഒന്നും ചെയ്യാനാകില്ലന്ന് ബ്ലെസിയും രേഷ്മയും
നഗരത്തില്‍ കൊക്കെയ്ന്‍ ഉപയോഗിക്കുന്ന പല പ്രമുഖരെയും അറിയാം. അവരെ നിങ്ങള്‍ക്ക് തൊടാന്‍ പോലും കഴിയില്ലെന്ന് കൊച്ചികൊക്കെയില്‍ കേസിലെ പ്രതികളായ സഹസംവിധായിക ബ്ലെസിസില്‍വര്‍സ്റ്ററും, രേഷ്മരംഗസ്വാമിയെയും പോലീസിനോട് പറഞ്ഞു. കഴിഞ്ഞ ദിവസം കോടതിയുടെ അനുമതിയോടെ വിയ്യൂര്‍ വനിതാ ജയിലിലെത്തി അന്വേഷണസംഘം ചോദ്യം ചെയ്യവേയായിരുന്നു ബ്ലെസിയുടേയും രേഷ്മയുടേയും പ്രതികരണം. തൃശൂരില്‍ പിടിയിലായ നൈനേഷ്, ബ്ലെസിയുടെ കാമുകന്‍ വിവേക് എന്നിവരുമായി ബന്ധപ്പെട്ടായിരുന്നു ചോദ്യം ചെയ്യല്‍. നിരവധി സുഹൃത്തുക്കളില്‍ ഒരാള്‍ മാത്രമാണ് വിവേകെന്ന് ബ്ലെസിമൊഴി നല്‍കി. നൈനേഷിനെ കണ്ടുപരിചയമുണ്ടെന്നായിരുന്നു മറുപടി.
കൊച്ചിയിലെ പഞ്ചനക്ഷത്ര ഹോട്ടലില്‍ ആരൊക്കെ എത്തുമായിരുന്നുവെന്ന അന്വേഷണസംഘത്തിന്റെ ചോദ്യത്തിന് \'അവരെ കൈയില്‍ കിട്ടിയാലും നിങ്ങള്‍ക്ക് ഒന്നും ചെയ്യാന്‍ കഴിയില്ല\' എന്ന മറുപടിയാണ് ബ്ലെസിയും രേഷ്മയും നല്‍കിയത്. രാഷ്ട്രീയക്കാരും സിനിമക്കാരും സംഘത്തിലുണ്ടാകാമെന്നും ഇവര്‍ മൊഴി നല്‍കി. ജീവനില്‍ ഭയമുള്ളതുകൊണ്ടാണോ പേര് വെളിപ്പെടുത്താത്തതെന്ന അന്വേഷണസംഘത്തിന്റെ ചോദ്യത്തോട് പ്രതികള്‍ മൗനം പാലിച്ചു.
എന്നാല്‍ പ്രമുഖ നടന്‍ ഷൈന്‍ ടോം ചാക്കോയെയും മോഡലുകളെയും വിവാദ വ്യവസായി മുഹമ്മദ് നിസാമിന്റെ കൊച്ചിയിലെ ഫ്‌ലാറ്റില്‍ നിന്നും പൊലീസ് അറസ്റ്റ്‌ചെയ്ത നേരം അവിടെ നടന്ന സ്‌മോക്ക് പാര്‍ട്ടി പിറ്റേന്ന് കൊച്ചിയിലെ പഞ്ചനക്ഷത്ര ഹോട്ടലില്‍നടക്കാനിരുന്ന ഒറിജിനല്‍ പാര്‍ട്ടിയുടെ റിഹേഴ്‌സലായിരുന്നുവെന്ന് റിപ്പോര്‍ട്ട്.
തൊട്ടടുത്ത ദിവസം കൊച്ചി ബൈപാസിലെ ഒരു പഞ്ചനക്ഷത്ര ഹോട്ടലില്‍ നടത്താനിരുന്ന ഒറിജിനല്‍ പാര്‍ട്ടിയില്‍ പ്രമുഖ രാഷ്ട്രീയ നേതാക്കളും സിനിമാതാരങ്ങളുമാണ് പങ്കെടുക്കാനിരുന്നത്. എന്നാല്‍ തലേന്ന് ബ്ലെസിയും രേഷ്മയും ഷൈനും ഉള്‍പെടെയുള്ളവര്‍ പൊലീസ് പിടിയിലായതോടെ ഈ പാര്‍ട്ടി പൊളിയുകയായിരുന്നു. ഇതൊടെ പ്രമുഖര്‍ രക്ഷപ്പെടുകയും ചെയ്തു.
ഗോവയില്‍നിന്നും പിറ്റെന്നത്തെ പാര്‍ട്ടിക്കായി എത്തിച്ച കൊക്കെയിന്റെ വീര്യം മനസിലാക്കാനാണ് സംഘം ഫ്‌ലാറ്റില്‍ ഒത്തുകൂടിയത്. ഒരോ ഗ്രാം വീതമുള്ള പത്തു കവറുകളിലായാണി കൊക്കെയിന്‍ ഇവരുടെ കൈവശം ഉണ്ടായിരുന്നത്. ഇതില്‍ ഒരു ഗ്രാമിന്റെ പൊതിയിലെ പകുതി ഭാഗം മാത്രമാണ് ഇവര്‍ ഉപയോഗിച്ചത്. ബാക്കി ഒമ്പതു കവറുകള്‍ പിറ്റെന്നത്തെ പാര്‍ട്ടിക്കായി മാറ്റി വച്ചതാണ്. കൊക്കെയിന്‍ ഉപയോഗിച്ച് കഴിഞ്ഞ സമയത്താണ് പൊലീസ് ഫ്‌ലാറ്റിലെത്തിയതും സംഘം പിടിയിലായതും.
അതേസമയം പ്രതികള്‍ ജ്യാമ്യത്തിലിറങ്ങി മുങ്ങാതിരിക്കാന്‍ വേണ്ടി 45 ദിവസത്തിനുള്ളില്‍ കുറ്റപത്രം സമര്‍പ്പിക്കാനാണ് അന്വേഷണസംഘത്തിന്റെ നീക്കം. കുറ്റപത്രം സമര്‍പ്പിച്ചു കഴിഞ്ഞാല്‍ പിന്നീട് ജാമ്യം ലഭിക്കുക പ്രയാസമാണ്. ഇക്കാര്യത്തില്‍ അനുകൂലമായ നിയമോപദേശം അന്വേഷണസംഘത്തിന് ലഭിച്ചിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
