ഇനി പ്ലാന് കെ... കഴിഞ്ഞ മണ്ഡലകാല സമയത്ത് സുവര്ണവസരമാക്കാന് നോക്കിയ ബിജെപി പ്രസിഡന്റ് ശ്രീധരന് പിള്ളയ്ക്ക് ഒരു ചുക്കും ചെയ്യാനായില്ല; അന്ന് കുമ്മനം മിണ്ടാട്ടം മുട്ടി മിസോറാമില്; ഇന്ന് ശ്രീധരന്പിള്ള മിസോറാമിലും കുമ്മനം കേരളത്തിലും
കഴിഞ്ഞ മണ്ഡല കാലം ബിജെപിയെ സംബന്ധിച്ച് പ്രസിഡന്റ് ശ്രീധരന്പിള്ള പറഞ്ഞതു പോലെ സുവര്ണ കാലമാകേണ്ടതായിരുന്നു. എന്നാല് ശ്രീധരന്പിള്ളയുടെ വിടുവായത്തം കാരണം ബിജെപിയ്ക്ക് ഒന്നും ചെയ്യാന് സാധിച്ചില്ല എന്നു മാത്രമല്ല ഒരു സീറ്റില് പോലും വിജയിക്കാനുമായില്ല. അന്നേ എല്ലാവരും പറഞ്ഞതാണ് കുമ്മനം ഉണ്ടായിരുന്നെങ്കിലെന്ന്. പക്ഷെ അന്ന് കുമ്മനം മിസോറാം ഗവര്ണറായിരുന്നു. ആ അവസ്ഥ മാറി മറിഞ്ഞു. അടുത്ത മണ്ഡലകാലം വന്നതോടെ കുമ്മനം കേരളത്തിലും ശ്രീധരന്പിള്ള മിസോറാമിലുമായി. വിധിയുടെ വിളയാട്ടം പോലെ വീണ്ടും ശബരിമല കേരളത്തില് സജീവ വിഷയമാവുകയാണ്. അതേസമയം ബിജെപി നാഥനില്ലാത്ത കളരി പോലെയാണ്. ബിജെപിയെ നയിക്കാന് ഒരു പ്രസിഡന്റില്ല. ആകെ പുറത്ത് നിന്നും വന്ന വൈസ് പ്രസിഡന്റ് അബ്ദുള്ള കുട്ടിയും രാമന്പിള്ളയുമാണുള്ളത്. ഈ സന്ദര്ഭത്തിലാണ് അണികള് പുതിയ പ്രസിഡന്റിനെ തേടുന്നത്.
ശ്രീധരന് പിള്ളയെ ഗവര്ണറാക്കിയതോടെ നിലവില് ബി.ജെ.പിക്ക് സംസ്ഥാനത്ത് നാഥനില്ലാതായിരിക്കുകയാണ്. പ്രസിഡന്റിനെ തെരഞ്ഞെടുക്കാനുള്ള നീക്കങ്ങള് ഗ്രൂപ്പ് പോരിലും ആര്.എസ്.എസിന്റെ ഉടക്കിലും പെട്ട് ഫലവത്തായതുമില്ല. അതേസമയം, ഹൈന്ദവ സംഘടനാ രംഗത്ത് പ്രവര്ത്തിച്ച് പരിചയമുള്ള കുമ്മനം രാജശേഖരനെ രംഗത്തിറക്കി ആചാര സംരക്ഷണ പരിപാടികള് സജീവമാക്കുകയാവും പരിവാറിന്റെ തുടര് പ്രവര്ത്തനം. കഴിഞ്ഞ മണ്ഡലക്കാലത്തെ സംഘര്ഷവേളയില് മിസോറാം ഗവര്ണറായിരുന്നു കുമ്മനത്തിന് ഇടപെടാന് സാധിച്ചിരുന്നില്ല. കഴിഞ്ഞ തവണ ശബരിമല പ്രക്ഷോഭം നയിച്ച കെ. സുരേന്ദ്രന് ബി.ജെ.പി. സംസ്ഥാന പ്രസിഡന്റാകുമോയെന്നതും നിരീക്ഷകര് ഉറ്റുനോക്കുന്നു.
അതേസമയം ശബരിമലയിലെ യുവതീപ്രവേശനം സംബന്ധിച്ചുള്ള പുനഃപരിശോധനാ ഹര്ജികളില് സുപ്രീം കോടതി പുറപ്പെടുവിച്ച വിധിയെ ബി.ജെ.പി നേതാവ് കുമ്മനം രാജശേഖരന് സ്വാഗതം ചെയ്തിട്ടുണ്ട്. കേസ് വിശാല ബെഞ്ചിന് വിട്ടതോടെ 2018 ലെ വിധിയില് എന്തോ അപാകതയുണ്ടെന്നും അത് പുനഃപരിശോധികേണ്ടതാണെന്നുമാണ് വ്യക്തമാകുന്നത്.
ആചാരങ്ങളിലും വിശ്വാസങ്ങളിലും നീതിപീഠത്തിന് ഇടപെടാമോ എന്ന വലിയ ചോദ്യവും വിശാലബെഞ്ചിന് വിടുകയാണ് ഇവിടെ ചെയ്തിരിക്കുന്നത്. അതായത് ശബരിമലയിലെ ആചാരങ്ങള് ലംഘിക്കാനുള്ള അവസരങ്ങള് സര്ക്കാര് സൃഷ്ടിക്കരുതെന്നും അതിനാരും മുതിരരുതെന്നുമാണ് അര്ത്ഥം. ഇനി ശബരിമലയില് പ്രകോപനം സൃഷ്ടിക്കാതിരിക്കാന് സംസ്ഥാന സര്ക്കാരും പോലീസും പ്ര േത്യകം ശ്രദ്ധിക്കേണ്ടതുണ്ട്.
മാത്രമല്ല, ഇതരമതങ്ങള് അനുവര്ത്തിച്ചുവരുന്ന ആചാരങ്ങള് സംബന്ധിച്ചും സമ്പൂര്ണ ബെഞ്ച് പരിശോധിക്കണമെന്നാണ് വിധി. മുസ്ലിം ആരാധനാലയങ്ങളിലെ സ്ത്രീപ്രവേശനവും അതില് ഉള്പ്പെടുന്നു. ഇതരമതങ്ങളിലെ ആചാരങ്ങളെക്കുറിച്ച് മുഖ്യമന്ത്രി പിണറായി വിജയനും അദ്ദേഹത്തിന്റെ സര്ക്കാരും നിലപാട് വ്യകതമാക്കണം.
പിണറായിയുടെ നവോത്ഥാനത്തില് അവയൊക്കെ ഉള്പ്പെടുമോ എന്ന് അദ്ദേഹം ജനങ്ങളോട് പറയണം. തിരുവിതാംകൂര് ദേവസ്വം ബോര്ഡ് ഒളിച്ചുകളി അവസാനിപ്പിക്കണം. പുനഃപരിശോധനാഹര്ജിയില് എന്തുകൊണ്ട് ദേവസ്വം ബോര്ഡ് കക്ഷി ചേര്ന്നില്ല? വിശ്വാസവും ആചാരവും സംരക്ഷിക്കാന് ബാധ്യതയുള്ള ദേവസ്വം ബോര്ഡ് മേധാവികള് സത്യപ്രതിജ്ഞാലംഘനമാണ് നടത്തിയതെന്നും കുമ്മനം ആരോപിച്ചു.
ശബരിമല യുവതീ പ്രവേശന വിധിക്കെതിരായ പുനപരിശോധന ഹര്ജികളില് തീരുമാനം എടുക്കും മുമ്പ് മതസ്വാതന്ത്ര്യം സംബന്ധിച്ചവിഷയങ്ങള് ഏഴംഗ വിശാല ബെഞ്ചിലേക്ക് വിട്ട സുപ്രീംകോടതി തീരുമാനം സന്തോഷം നല്കുന്നതാണെന്ന് മിസോറാം ഗവര്ണറായ ശ്രീധരന് പിള്ളയും വ്യക്തമാക്കി. ബിജെപി സംസ്ഥാന പ്രസിഡന്റ് എന്ന നിലയില് വിധിക്കെതിരായ ആഹ്വാനവുമായി ആദ്യം തന്നെ രംഗത്തെത്തിയിരുന്നു. വിശ്വാസം സംരക്ഷിക്കപ്പെടും എന്ന് ഉറപ്പായി. രാഷ്ട്രീയ അഭിപ്രായം പറയാന് ഇല്ലെന്നും പിഎസ് ശ്രീധരന് പിള്ള വ്യക്തമാക്കി. കാര്യങ്ങള് ഇങ്ങനെ പുരോഗമിക്കുമ്പോഴും ഒരു നാഥനായി കാത്തിരിക്കുകയാണ്. ശബരിമലയ്ക്ക് ഇടിവെട്ടായി കുമ്മനത്തെ ഇറക്കുമോന്ന് കണ്ടറിയാം.
https://www.facebook.com/Malayalivartha
