കൂ​ട​ത്താ​യ് ജോളിയെക്കുറിച്ച് ഓരോ ദിവസവും പുറത്തുവരുന്ന വാർത്തകൾ സാധാരണക്കാർക്ക് വിശ്വസിക്കാനാകുന്നതിനും അപ്പുറത്ത് .. ആർഭാട ജീവിതം ആഗ്രഹിച്ച ജോളി പലരിൽ നിന്നായി വായ്പ വാങ്ങിയത് ലക്ഷങ്ങൾ...പ​ല കാ​ര​ണ​ങ്ങ​ള്‍ മാറി മാറി പ​റ​ഞ്ഞാ​ണ് പ​ണം സ്വ​രൂ​പി​ക്കാ​ന്‍ ശ്ര​മി​ച്ച​തെ​ന്നാ​ണ് ചി​ല ബ​ന്ധു​ക്ക​ൾ അ​ന്വേ​ഷ​ണ​സം​ഘ​ത്തി​നെ അ​റി​യി​ച്ച​ത്.പലരും ജോളി പറയുന്നത് വിശ്വസിച്ചു പണം കടം കൊടുത്തിട്ടുമുണ്ട്.. എ​ന്നാ​ല്‍ ഇ​ത്ത​ര​ത്തി​ല്‍ സ്വ​രൂ​പി​ക്കു​ന്ന പ​ണം എ​ന്തു​ചെ​യ്തു​വെ​ന്ന​ത് വ്യ​ക്ത​മ​ല്ല.

എല്ലാ കൊലപാതകങ്ങളും ചെയ്തത് താൻ ഒറ്റക്കാണെന്നു ജോളി പറയുന്നുണ്ടെങ്കിലും ഇപ്പോൾ അത് വിശ്വസിക്കാൻ പൊലീസിന് പ്രയാസമുണ്ട്.. കൊ​ല​പാ​ത​ക​ത്തി​ന് മ​റ്റാ​രു​ടേ​യെ​ങ്കി​ലും സ​ഹാ​യം ജോ​ളി തേ​ടി​യി​രു​ന്നോ​യെ​ന്നും അ​ത്ത​ര​ത്തി​ല്‍ സ​ഹാ​യം ചെ​യ്ത​വ​ര്‍​ക്ക് പ​ണം ന​ല്‍​കി​യി​രു​ന്നോ​യെ​ന്നും ആണ് പോലീസ് ഇപ്പോൾ അ​ന്വേ​ഷി​ക്കുന്നത് . പൊ​ന്നാ​മ​റ്റ​ത്ത് ടോം ​തോ​മ​സ്, ബ​ന്ധു​ക്ക​ള്‍, ബി​എ​സ്എ​ന്‍​എ​ല്‍ ജീ​വ​ന​ക്കാ​ര​നാ​യ ജോ​ണ്‍​സ​ണ്‍ എ​ന്നി​വ​രോ​ടെ​ല്ലാം ജോ​ളി പ​ണം ആ​വ​ശ്യ​പ്പെ​ട്ടി​രു​ന്ന​താ​യും അ​ന്വേ​ഷ​ണ​ത്തി​ല്‍ ക​ണ്ടെ​ത്തി​യി​രു​ന്നു.

ക​ട്ട​പ്പ​ന​യി​ല്‍ സ്ഥ​ലം വാ​ങ്ങി​യി​ട്ടു​ണ്ടെ​ന്നും അ​വി​ടേ​യ്ക്കു വ​ഴി വെ​ട്ടു​ന്ന​തി​നാ​യി ഒ​രു​ല​ക്ഷം രൂ​പ വേണമെന്നും ആ​വ​ശ്യ​പ്പെ​ട്ടു​കൊണ്ടാണ് ജോ​ളി ടോം ​തോ​മ​സി​ന്‍റെ ബ​ന്ധു​ക്ക​ളെ സമീപിച്ചതത്രെ . യൂ​ണി​വേ​ഴ്‌​സി​റ്റി​യി​ല്‍ ജോ​ലി​യു​ള്ള കോ​ഴി​ക്കോ​ട് ന​ഗ​ര​ത്തി​ല്‍ താ​മ​സി​ക്കു​ന്ന ബ​ന്ധു​വി​നെ​യാ​ണ് ജോ​ളി ഇക്കാര്യം പറഞ്ഞ് ബ​ന്ധ​പ്പെ​ട്ടി​രു​ന്ന​ത്. എ​ന്നാ​ല്‍ ഇ​വ​ര്‍ പ​ണം ന​ല്‍​കാ​ന്‍ ത​യാ​റാ​യി​ല്ല. ജോ​ളി​യു​ടെ പ്ര​വൃ​ത്തി​യി​ല്‍ ദു​രൂ​ഹ​ത തോ​ന്നി​യ​തി​നാ​ലാ​ണ് പ​ണം ന​ല്‍​കാ​തി​രു​ന്ന​ത് എന്ന് അവർ പറഞ്ഞു . അ​തേ​സ​മ​യം ജോ​ളി ക​ട്ട​പ്പ​ന​യി​ല്‍ സ്ഥ​ലം വാ​ങ്ങി​യി​ട്ടി​ല്ലെ​ന്നാ​ണ് അ​ന്വേ​ഷ​ണ​ത്തി​ല്‍ വ്യ​ക്ത​മാ​യ​ത്.

ഇ​തി​നു പു​റ​മേ പ​ണം ആ​വ​ശ്യ​പ്പെ​ട്ട് പൊ​ന്നാ​മ​റ്റം സ​ക്ക​റി​യാ​സി​ന്‍റെ ബ​ന്ധു​വി​നേ​യും ജോ​ളി സ​മീ​പി​ച്ചി​രു​ന്നു. ആ​ര്‍​ഇ​സി​യ്ക്ക് സ​മീ​പം 10 സെ​ന്‍റ് വാ​ങ്ങി​യെ​ന്നും അ​വി​ടെ വീ​ട് വ​യ്ക്കു​ന്ന​തിന്റെ ആവശ്യത്തിനാണെന്നും പറഞ്ഞാണ് പ​ണം ആ​വ​ശ്യ​പ്പെ​ട്ട​ത്.

ക​ട്ട​പ്പ​ന​യി​ല്‍ ടെ​ലി​ഫോ​ണ്‍ എ​ക്‌​സ്‌​ചേ​ഞ്ച് കെ​ട്ടി​ടം വാ​ട​ക​യ്ക്ക് പ്ര​വ​ര്‍​ത്തി​ച്ചി​രു​ന്ന​ത് ജോ​ളി​യു​ടെ പി​താ​വി​ന്‍റെ സ്ഥ​ല​ത്താ​ണെ​ന്നും ഈ ​സ്ഥ​ലം വി​റ്റ് ല​ഭി​ച്ച അ​ഞ്ച് ല​ക്ഷം രൂ​പ പി​താ​വ് ത​നി​ക്ക് ന​ല്‍​കി​യെ​ന്നും ഈ ​തു​ക ഉ​പ​യോ​ഗി​ച്ചാ​ണ് ആ​ര്‍​ഇ​സി​യ്ക്ക് സ​മീ​പ​ത്ത് സ്ഥ​ലം വാ​ങ്ങി​യ​തെ​ന്നു​മാ​ണ് ജോ​ളി പലരോടും പ​റ​ഞ്ഞി​രു​ന്ന​ത്. സം​ശ​യം തോ​ന്നി​യ ബ​ന്ധു​ക്ക​ള്‍ ഇ​ക്കാ​ര്യം ജോ​ളി​യു​ടെ പി​താ​വി​നോ​ട് അ​ന്വേ​ഷി​ച്ചെ​ങ്കി​ലും അ​ങ്ങ​നെ ഒ​രു സ്ഥ​ല​മി​ല്ലെ​ന്നാ​യി​രു​ന്നു മ​റു​പ​ടി. ഇ​തോ​ടെ ജോ​ളി​യെ കു​ടും​ബ​ത്തി​ലു​ള്ള​വ​ര്‍​ക്ക് വി​ശ്വാ​സ​മി​ല്ലാ​താ​യി

2008ല്‍ ടോം തോമസിന്റെ മരണശേഷം വ്യാജ ഒസ്യത്ത് ഉണ്ടാക്കി ജോളി തന്റെ പേരിലാക്കിയിരുന്നു. അന്നമ്മ ഉൾപ്പടെ കുടുംബത്തിലുള്ളവരെ ഇല്ലാതാക്കിയ ജോളിക്ക് സയനൈഡ് എത്തിച്ച് നല്‍കിയ എംഎസ് മാത്യുവിനെ മാപ്പ്‌ സാക്ഷിയാക്കി ജോളിക്കുള്ള കുരുക്ക് മുറുക്കാനാണ് ഇപ്പോൾ അന്വേഷണ സംഘം ശ്രമിക്കുന്നത് .ആദ്യ കൊലപാതകമായ അന്നമ്മയുടേത് ഒഴിച്ച് ബാക്കി അഞ്ചെണ്ണത്തിലും ഈ സയനൈഡ് ഉപയോഗിച്ചാണ് ജോളി കൊല നടത്തിയതെന്ന് അന്വേഷണ സംഘം കണ്ടെത്തിയിരുന്നു.

എന്നാല്‍ എംഎസ് മാത്യുവിന് ഈ കൊലപാതകങ്ങളില്‍ നേരിട്ട് പങ്കില്ലെന്ന നിഗമനത്തിലാണ് അന്വേഷണ സംഘം. കൊലപാതക വിവരം പുറത്ത് പറയാതിരുന്നത് ജോളിയെ പേടിച്ചാണെന്ന് ആണ് മാത്യു മൊഴി നൽകിയത് . ജോളി വിരിച്ച വലയിൽ ഈയ്യാം പാറ്റകളെപോലെ മറ്റ് പ്രതികൾ ചെന്ന് കുടുങ്ങുകയായിരുന്നു എന്നാണ് ഇപ്പോൾ പുറത്തുവരുന്ന വിവരങ്ങൾ സൂചിപ്പിക്കുന്നത്
അന്വേഷണത്തിന്‍റെ ആദ്യ ഘട്ടത്തില്‍ മാപ്പ് സാക്ഷിയാകേണ്ടെന്ന നിലപാടിലായിരുന്ന എംഎസ് മാത്യുവും ഇപ്പോൾ നിലപാട് മാറ്റിയിട്ടുണ്ട്