തിരുവല്ലയില് നിന്നു കാണാതായ പ്ലസ്വണ് വിദ്യാര്ത്ഥിനികളില് രണ്ടുപേര് തിരിച്ചെത്തി
നഗരമധ്യത്തിലെ വിദ്യാലയത്തില്നിന്നു കാണാതായ മൂന്നു പ്ലസ്വണ് വിദ്യാര്ത്ഥിനികളില് രണ്ടുപേര് തിരിച്ചെത്തി. ചൊവ്വാഴ്ച പുലര്ച്ചെ ഒന്നരയോടെ തിരുവല്ല റയില്വേ സ്റ്റേഷനില് എത്തിയ ഇവരെ പൊലീസ് കസ്റ്റഡിയിലെടുക്കുകയായരിന്നു. കഴിഞ്ഞ 11 മുതലാണ് ഇവരെ കാണാതായിരുന്നത്.
ഷൊര്ണ്ണൂരില്നിന്നാണ് തങ്ങള് വരുന്നതെന്ന് പെണ്കുട്ടികള് പൊലീസിനോട് പറഞ്ഞു. പരീക്ഷയ്ക്ക് ഹാജരാകാതിരുന്ന വിവരം വീട്ടുകാര് അറിഞ്ഞതിലുള്ള ഭയത്താലാണ് തങ്ങള് നാടുവിട്ടതെന്നാണ് കുട്ടികളുടെ മൊഴി. അതേ സമയം ഇരുപത്തൊന്നുകാരനായ കാമുകനൊപ്പം ഒളിവില്പോയ പെണ്കുട്ടിക്കായി പൊലീസ് തെരച്ചില് ഊര്ജ്ജിതമാക്കി. കുട്ടികളുടെ തിരോധാനം നിരവധി ഊഹാപോഹങ്ങള്ക്ക് ഇടയാക്കിയിരുന്നു. മൂന്നാമത്തെ വിദ്യാര്ത്ഥിനിയും കാമുകനും തങ്ങളെ ഷൊര്ണ്ണൂരില്നിന്നും ട്രെയിനില് കയറ്റിവിട്ടെന്നാണ് തിരികെയെത്തിയവര് പറഞ്ഞത്. മാതാപിതാക്കള്ക്ക് നല്കിയ കത്തില് താനും കാമുകനും ഒരുമിച്ച് ജീവിക്കാന് തീരുമാനിച്ചതായും തങ്ങളെ തേടിനടന്ന് ഉപദ്രവിക്കരുതെന്നും പറയുന്നു
സ്കൂളില്നിന്നും മുങ്ങിയ മൂവരും ആലപ്പുഴയിലേക്കാണ് ആദ്യം കടന്നത്. അവിടെനിന്നും തങ്ങള് നാടുവിടുവാന് തീരുമാനിച്ച വിവരം പെണ്കുട്ടികളില് ഒരാളുടെ കാമുകനെ അറിയിച്ചു. കൊല്ലത്ത് എത്താനുള്ള കാമുകന്റെ നിര്ദ്ദേശപ്രകാരം ഇവര് ആലപ്പുഴയില്നിന്നും കൊല്ലത്തേക്ക് യാത്ര തിരിച്ചു. ഈ യാത്രക്കിടയിലാണ് തകഴി ഭാഗത്തുവച്ച് സ്കൂള് ബാഗ് പുറത്തേക്ക് വലിച്ചെറിഞ്ഞത്. കൊല്ലത്ത് എത്തിയ ഇവര് കാമുകനൊപ്പം എറണാകുളത്തേക്ക് പോയി. ഇവിടെനിന്ന് ഷൊര്ണ്ണൂരിലേക്കും യാത്രതിരിച്ചു.
റെയില്വേ പോലീസുമായി ബന്ധപ്പെട്ട് കേരള പോലീസ് മികച്ച രീതിയില് അന്വേഷണം ആരംഭിച്ചതോടെ പെണ്കുട്ടികള്ക്ക് പിടിച്ചു നില്ക്കാന് കഴിയാത്ത അവസ്ഥയില് എത്തിയതായി പോലീസ് പറഞ്ഞു. അന്വേഷണത്തിന്റെ ആരംഭം മുതല് ഇവരുടെ മൊബൈല് ഫോണ് കേന്ദ്രീകരിച്ച് സൈബര്സെല് നടത്തിയ അന്വേഷണമാണ് കേസ്സിന്റെ വഴിത്തിരിവിനും പെണ്കുട്ടികളുടെ തിരിച്ചുവരവിനും ഇടയാക്കിയത്. വൈദ്യ പരിശോധനയ്ക്ക് ശേഷം കോടതിയിലും ചൈല്ഡ് വെല്ഫയര് കമ്മറ്റിക്ക് മുമ്പാകെയും ഹാജരാക്കിയ പെണ്കുട്ടികളെ രക്ഷിതാക്കള്ക്കൊപ്പം വിട്ടയച്ചതായി സിഐ വി രാജീവ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha