വിവാദ വ്യവസായി നിസാമിന്റെ മര്‍ദ്ദനമേറ്റ് മരണമടഞ്ഞ സെക്യൂരിറ്റി ജീവനക്കാരന്‍ ചന്ദ്രബോസിന്റെ മൊഴി രേഖപ്പെടുത്താത്ത പേരാമംഗലം സി.ഐ.ബിജു കുമാറിനെതിരെ ഉപലോകായുക്ത കേസെടുത്തു. ചന്ദ്രബോസ് സംസാരിക്കാന്‍ കഴിയുമായിരുന്ന അവസ്ഥയിലായിരുന്നപ്പോള്‍ മൊഴി രേഖപ്പെടുത്താന്‍ തയ്യാറാവാതിരുന്നത് എന്തു കൊണ്ടാണെന്ന് വിശദീകരണം നല്‍കാനാണ് ഉപലോകായുക്ത ജസ്റ്റിസ് കെ.ടി.ബാലചന്ദ്രന്‍ ആവശ്യപ്പെട്ടിരിക്കുന്നത്.
മൊഴിയെടുക്കാനുള്ള ആരോഗ്യസ്ഥിതി ചന്ദ്രബോസിനില്ലായിരുന്നെന്നാണ് ഇത് സംബന്ധിച്ച് പൊലീസ് വിശദീകരിച്ചത്. എന്നാല്‍ ചന്ദ്രബോസ് സംസാരിച്ചിരുന്നതായി ചികിത്സിച്ച ഡോക്ടര്‍ റെന്നീസ് ഡേവിസ് കഴിഞ്ഞ ദിവസം വെളിപ്പെടുത്തിയിരുന്നു. ചന്ദ്രബോസിന്റെ മൊഴി എടുക്കാതിരുന്നത്, അത് മരണമൊഴിയായി മാറിയാല്‍ നിസാമിന് ശിക്ഷ ഉറപ്പാവും എന്നതു മുന്‍കൂട്ടിക്കണ്ടാണെന്നും ഉന്നതങ്ങളില്‍ നിന്നുള്ള ഇടപെടലാണ് ഇതിനു കാരണമെന്നും ആരോപണം ഉയര്‍ന്നിരുന്നു. ഇത് സംബന്ധിച്ച് മാദ്ധ്യമങ്ങളില്‍ വന്ന വാര്‍ത്തകള്‍ പ്രകാരമാണ് ഉപലോകായുക്ത സ്വമേധയാ കേസെടുത്തത്.
അതേ സമയം ചന്ദ്രബോസിനെ നിഷാം ഇത്തരത്തില്‍ ആക്രമിക്കാന്‍ കാരണം നിഷാമിന് ഇയാളോടുള്ള മുന്‍വൈരാഗ്യമാണെന്നും പറയപ്പെടുന്നു. ശോഭാ സിറ്റിയില്‍ ഇയാള്‍ പലര്‍ക്കും കഞ്ചാവ് എത്തിച്ചിരുന്നതായും ചന്ദ്രബോസ് ഇതിനെ എതിര്‍ത്തിരുന്നതായും വാര്‍ത്തകളുണ്ട്.
നിഷാമിനെ കേസില്‍ നിന്നും രക്ഷപെടുത്താനായി ഉന്നത തല ഗൂഡാലോചനയാണ് അരങ്ങേറുന്നതെന്ന് വ്യക്തമാകുന്നു. അതിന്റെ ഭാഗമായാണ് മരണമൊഴി എടുക്കാത്തതെന്നും ആരോപണമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha