കെഎം മാണി ബജറ്റ് അവതരിപ്പിക്കുന്ന ദിവസം നിയമസഭ വളയുമെന്ന അച്യുതാനന്ദന്റെ പ്രഖ്യാപനത്തില്‍ സിപിഎം സഹകരിക്കേണ്ടതില്ലെന്ന് ഉന്നതങ്ങളില്‍ തീരുമാനം. പാര്‍ട്ടിയോടോ മുന്നണിയോടോ ആലോചിക്കാതെ അച്യുതാനന്ദന്‍ നടത്തിയ ഒറ്റയാന്‍ പ്രസ്താവനയില്‍ പാര്‍ട്ടിക്ക് അമര്‍ഷമുണ്ട്. അച്യുതാനന്ദന് അത്രയും വിഷമമുണ്ടെങ്കില്‍ അദ്ദേഹം ബജറ്റ് പ്രസംഗം ബഹിഷ്‌ക്കരിച്ചോട്ടേ എന്നാണ് സിപിഎമ്മിന്റെ തീരുമാനം.
യുവമോര്‍ച്ച ബജറ്റ് ദിവസം സെക്രട്ടറിയേറ്റ് വളയുമെന്ന് പ്രഖ്യാപിച്ച പശ്ചാത്തലത്തിലാണ് സിപിഎം സമരത്തില്‍ നിന്നും പിന്‍മാറുന്നതെന്നാവും ഔദ്യോഗിക വിശദീകരണം. യുവമോര്‍ച്ച നടത്തുന്ന സമരത്തില്‍ സിപിഎം സഹകരിക്കുകയാണെങ്കില്‍ അവര്‍ അക്രമം അഴിച്ചുവിടാന്‍ സാധ്യതയുണ്ടെന്നാണ് സിപിഎം കരുതുന്നത്. അത് തങ്ങളുടെ തലയിലാവുമെന്നാണ് സിപിഎം പറയുന്നത്.
എന്നാല്‍ ഇതല്ല വാസ്തവം അച്യുതാനന്ദനും സിപിഎമ്മും തമ്മിലുള്ള ആശയഭിന്നതയാണ് കാരണം. ആരോടും ആലോചിക്കാതെ അച്യുതാനന്ദന്‍ പാര്‍ട്ടി തീരുമാനങ്ങള്‍ പറയുന്നതെന്നാണ് സിപിഎമ്മിന്റെ ആക്ഷേപം. അച്യുതാനന്ദന്റെ ആക്ഷേപങ്ങള്‍ പാര്‍ട്ടിക്ക് ക്ഷീണമുണ്ടാക്കുമെന്നും സിപിഎം ഔദ്യോഗിക പക്ഷം കരുതുന്നു.
കെഎം മാണിയോട് സിപിഎമ്മിന് തൊട്ടുകൂടായ്കയില്ല എന്ന നിലപാട് തന്നെയാണ് സിപിഎമ്മിന് ഇപ്പോഴുള്ളത്. ഇത് മുന്‍കൂട്ടി കണ്ടാണ് പട്ടം സെന്റ് മേരീസ് ഓഡിറ്റോറിയത്തില്‍ നടന്ന ചടങ്ങില്‍ നിന്ന് മാണിയുമായി വേദി പങ്കിടാന്‍ മടിച്ച് അച്യുതാനന്ദന്‍ മാറി നിന്നത്. കെ എം മാണിയുമായി സിപിഎം രമ്യതയിലെത്തിയാലും താന്‍ രമ്യതയിലെത്തില്ലെന്ന സന്ദേശമാണ് അച്യുതാനന്ദന്‍ നല്‍കിയത്.
കെ എം മാണി ബജറ്റ് അവതരിപ്പിക്കരുതെന്ന പ്രസ്താവനയില്‍ സിപിഎം സമരം ഒതുക്കും. ഇത് പോരെന്ന് തീരുമാനമുണ്ടായാല്‍ ബജറ്റ് പ്രസംഗവേളയില്‍ ഇടതുപക്ഷ എം എല്‍ എമാര്‍ കറുത്ത ബാഡ്ജ് ധരിക്കും. അതില്‍ കൂടുതലൊന്നും സംഭവിക്കില്ല. മാണി ബജറ്റ് അവതരിപ്പിച്ചാല്‍ നിയമസഭയില്‍ ചോരപ്പുഴ ഒഴുകുമെന്ന് കോടിയേരി പറഞ്ഞിട്ടില്ലെന്ന് വൈക്കം വിശ്വന്‍ പരസ്യമായി പറഞ്ഞതിലൂടെ സമരത്തില്‍ നിന്നും പിന്‍ മാറുമെന്നുള്ള സൂചനയാണ് സിപിഎം നല്‍കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha