ബത്തേരിയില് പാമ്പ് കടിയേറ്റ് വിദ്യാര്ത്ഥിനി മരിച്ച സംഭവത്തില് അനാസ്ഥ കാട്ടിയവര്ക്കെതിരെ നടപടിയെന്ന് മുഖ്യമന്ത്രി
സുല്ത്താന് ബത്തേരിയിലെ ഗവ. സര്വജന വൊക്കേഷണല് ഹയര് സെക്കന്ഡറി സ്കൂളില് ക്ലാസ് മുറിയില് പാമ്ബുകടിയേറ്റ് വിദ്യാര്ത്ഥിനി മരിച്ച സംഭവത്തില് അനാസ്ഥ കാട്ടിയവര്ക്കെതിരെ നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന്.
ഇത്തരം അപകടങ്ങള് ഉണ്ടാകുമ്ബോള് എങ്ങനെ പ്രതികരിക്കണം, അടിയന്തരമായി ചെയ്യേണ്ടത് എന്തൊക്കെ എന്ന് കുട്ടികളെ പഠിപ്പിക്കേണ്ടവരാണ് അദ്ധ്യാപകര്. ഇവിടെ കുട്ടികള് പറയുന്നത്, തങ്ങള് ആവശ്യപ്പെട്ടിട്ടും ചില അദ്ധ്യാപകര് ഷെഹല ഷെറിനെ വേണ്ട സമയത്ത് ആശുപത്രിയില് എത്തിക്കാന് തയ്യാറായില്ല എന്നാണ്. രക്ഷിതാക്കള് എത്തിയ ശേഷം മാത്രമാണ് കുട്ടിയെ ആശുപത്രിയില് എത്തിച്ചതെന്നും ഈ കുട്ടികള് പറയുന്നുണ്ട്. ഷെഹല ഷെറിന്റെ മരണം അത്യന്തം ദുഖകരമാണ്.
ആ കുഞ്ഞിന്റെ കുടുംബത്തെ അനുശോചനം അറിയിക്കുന്നു. അനാസ്ഥയോ അലംഭാവമോ കാട്ടിയവര്ക്കുമേല് യുക്തമായ നടപടി ഉറപ്പാക്കാന് ഇടപെടുകയും ചെയ്യുമെന്നും മുഖ്യമന്ത്രി വ്യക്തമാക്കി. നേരത്തെ, വിദ്യാര്ത്ഥിനി പാമ്ബ് കടിയേറ്റ് മരിച്ച സംഭവത്തില് സ്കൂളിന് വീഴ്ച പറ്റിയതായും കുറ്റക്കാര്ക്കെതിരെ നടപടിയെടുക്കുമെന്നും വിദ്യാഭ്യാസ വകുപ്പ് മന്ത്രി രവീന്ദ്രനാഥ് പറഞ്ഞിരുന്നു.
https://www.facebook.com/Malayalivartha
