പാലക്കാട് കള്ളനോട്ട് കേസില്‍ പിടിയിലായ ദമ്പതിമാരുടെ വീട്ടില്‍ ഉള്ളത് നിരവധി കള്ളനോട്ടുകളും നോട്ടടിയന്ത്രവും. പോലീസ് കണ്ടെടുത്തതാണ്‌ കള്ളനോട്ടുകളും നോട്ടടിയന്ത്രവും. കൊല്ലം കൊട്ടിയം സ്വദേശി രഞ്ജിത്തിന്റെ ചാത്തന്നൂര്‍ കണ്ണേറ്റയിലെ വീട്ടിലായിരുന്നു പോലീസ് സംഘം ചൊവ്വാഴ്ച പരിശോധന നടത്തിയതും ഇത് കണ്ടെത്തിയതും.

ഇവിടെ നിന്നും അഞ്ഞൂറുരൂപയുടെ 53 കള്ളനോട്ടുകളും ഇരുന്നൂറുരൂപയുടെ 122 കള്ളനോട്ടുകളും പോലീസ് പിടിച്ചെടുക്കുകയും ചെയ്തു. കള്ളനോട്ട് അടിക്കാന്‍ ഉപയോഗിച്ചിരുന്ന പ്രിന്റിങ് മെഷീന്‍ അടക്കമുള്ള ഉപകരണങ്ങളും പോലീസ് ഇവരുടെ വീട്ടില്‍ നിന്നും കണ്ടെടുക്കുകയും ചെയ്തു. കഴിഞ്ഞ ദിവസമായിരുന്നു രഞ്ജിത്തിനെയും ഭാര്യ ലിജയെയും പാലക്കാട് മങ്കരയില്‍ കള്ളനോട്ടുമായി പോലീസ് പിടികൂടിയത്.