വീടിനുള്ളിലേക്ക് ഒളിഞ്ഞു നോക്കിയത് ചോദ്യം ചെയ്തതിന്റെ പകയിൽ യുവാവ് തലയ്ക്കടിച്ചു പരുക്കേല്‍പിച്ച ഗൃഹനാഥന്‍ മരിച്ചു. പാരിപ്പള്ളി പുതിയപാലം തെറ്റിക്കുഴി വൈശാഖത്തില്‍ ബൈജു (46) ആണ് കൊല്ലപ്പെട്ടത്. തിരുവനന്തപുരം മെഡിക്കല്‍ കോളജ് ആശുപത്രിയിലായിരുന്നു മരിച്ചത്.

22ആം തീയതി രാത്രിയിലായിരുന്നു ഈ സംഭവം നടന്നത്. പ്രതി തെറ്റിക്കുഴി കൃഷ്ണവിലാസത്തില്‍ കൃഷ്ണകുമാര്‍ വീട്ടില്‍ ഒളിഞ്ഞു നോക്കിയതു ബൈജു ചോദ്യം ചെയ്യുകയായിരുന്നു . അല്‍പം കഴിഞ്ഞു വീട്ടില്‍ അതിക്രമിച്ചു കയറി പട്ടികക്കഷണം കൊണ്ടു ബൈജുവിനെ തലയ്ക്കടിച്ചു വീഴ്ത്തുകയായിരുന്നു. പരുക്കേറ്റ ബൈജുവിനെ പാരിപ്പള്ളി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു . എന്നാൽ ആരോഗ്യനില ഗുരുതരമായതിനെ തുടര്‍ന്ന് തിരുവനന്തപുരത്തേക്ക് മാറ്റുകയും ചെയ്തു . കൃഷ്ണകുമാറിനെ പാരിപ്പള്ളി പൊലീസ് അറസ്റ്റ് ചെയ്തു. ഇപ്പോള്‍ ഇയാള്‍ റിമാന്‍ഡിലാണ്.