പല്ലുകൊണ്ട് കൈയിലെ ഞരമ്ബ് കടിച്ച് മുറിച്ച് ടൈലില് ഉരച്ച് വലുതാക്കി!! ജോളിക്ക് വിഷാദരോഗം പിടിപെട്ടതായി സംശയമെന്ന് കോഴിക്കോട് മെഡിക്കല് കോളജ് സൂപ്രണ്ട്; ജോളിയുടെ സെല്ലില് കൂടുതൽ പരിശോധന നടത്തി അധികൃതർ
ജയിലില് വെച്ച് ജീവനൊടുക്കാന് ശ്രമിച്ച ജോളിയുടെ വിശദീകരണം വിശ്വസിക്കാതെ പോലീസ്. ജോളി ജയിലില് കൈഞരമ്ബ് മുറിക്കാന് ഉപയോഗിച്ച വസ്തുവിനെ സംബന്ധിച്ച് അവ്യക്തതയാണ് ഇപ്പോഴും. പല്ലുകൊണ്ട് കൈയിലെ ഞരമ്ബ് കടിച്ച് മുറിച്ച് ടൈലില് ഉരച്ച് വലുതാക്കിയെന്ന് ജോളി പോലീസിന് നല്കിയ മൊഴി. എന്നാല് ഇത് പോലീസ് വിശ്വസിച്ചിട്ടില്ല. അതേസമയം ജോളിക്ക് വിഷാദരോഗം പിടിപെട്ടതായി സംശയമെന്ന് കോഴിക്കോട് മെഡിക്കല് കോളജ് സൂപ്രണ്ട് അറിയിച്ചു. കൈയിലെ ആഴത്തിലുള്ള മുറിവ് കല്ലുകൊണ്ടുണ്ടാക്കിയതാണെന്നും ഡോക്ടര്മാര് പറഞ്ഞു. ജോളിക്ക് രണ്ടുദിവസത്തിനകം ആശുപത്രി വിടാനാകുമെന്നും സൂപ്രണ്ട് പറഞ്ഞു. അതേസമയം ജയിലില് ജോളിയുടെ സെല്ലില് അധികൃതര് കൂടുതല് പരിശോധന നടത്തി. ഞരമ്ബ് മുറിക്കാന് ഉപയോഗിച്ച വസ്തുക്കള് ഒന്നും സെല്ലില് കണ്ടെത്താനായില്ലെന്ന് പൊലീസ് പറഞ്ഞു. ഇന്ന് പുലര്ച്ചെ അഞ്ചുമണിയോടെ രക്തം വാര്ന്ന നിലയില് ജോളിയെ ജയിലില് കണ്ടെത്തുകയായിരുന്നു. ജയില് അധികൃതര് തന്നെയാണ് ജോളിയെ ആശുപത്രിയിലെത്തിച്ചത്. മുന്പും ജോളി ആത്മഹത്യാ ശ്രമം നടത്തിയിരുന്നെന്നും റിപ്പോര്ട്ടുകളുണ്ട്. പ്രതിയുടെ ആത്മഹത്യാ പ്രവണത കണക്കിലെടുത്ത് മെഡിക്കല് കോളജിലെ കൗണ്സിലര്മാരുടെ സഹായം തേടിയിരുന്നു. സുരക്ഷയെ മുന് നിര്ത്തി ജോളിയെ മറ്റ് മൂന്ന് പേര്ക്ക് ഒപ്പമാണ് സെല്ലില് പാര്പ്പിച്ചിരുന്നത്.
https://www.facebook.com/Malayalivartha