ഉപഭോക്താക്കള് അടച്ച പണം കൃത്രിമം കാട്ടി തട്ടിയെടുത്ത ബാങ്ക് കാഷ്യര് അറസ്റ്റില്
കരുനാഗപ്പള്ളി എസ്ബിഐ മെയിന് ശാഖയില് ഉപയോക്താക്കള് അടച്ച പണം കൃത്രിമം കാട്ടി തട്ടിയെടുത്ത കേസില് കാഷ്യര് അറസ്റ്റില്. കാഷ്യറായ കൊല്ലം പെരിനാട് കടവൂര് ഐശ്വര്യ ഭവനത്തില് സന്തോഷാ(50)ണ് അറസ്റ്റിലായത്.
പണയ വായ്പ എടുത്ത മൂന്നുപേര് നല്കിയ പരാതിയില് അന്വേഷണം നടത്തി ബാങ്ക് മാനേജര് പൊലീസിനു പരാതി നല്കുകയായിരുന്നു. പണയം വച്ചവര് ഗഡുക്കളായി അടച്ചു കൊണ്ടിരുന്ന പണത്തിലാണ് ക്രമക്കേട് നടത്തിയത്.
വായ്പയുടെ ഗഡു അടയ്ക്കുമ്പോള് ഉപയോക്താവിനു നല്കുന്ന സ്ലിപ്പില് (കൗണ്ടര്ഫോയില്) കൃത്യ തുക രേഖപ്പെടുത്തിയിരുന്നെങ്കിലും ബാങ്കിനുള്ള സ്ലിപ്പില്തുക കുറച്ചെഴുതിയാണ് തട്ടിപ്പു നടത്തിയിരുന്നതെന്നു പൊലീസ് പറഞ്ഞു.
കൗണ്ടര്ഫോയില് കൃത്യമായി സൂക്ഷിച്ചിരുന്നവര് പണയ സ്വര്ണം എടുക്കാന് എത്തിയപ്പോഴാണ് അടച്ച തുകയില് കുറവു കണ്ടത്. സന്തോഷിനെ കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha