ആരോഗ്യ മന്ത്രിയെന്ന നിലയിലുള്ള പ്രവര്‍ത്തനങ്ങളില്‍ ഏറ്റവും മികച്ചു നില്‍ക്കുന്ന മന്ത്രിയാണ് കെ കെ ഷൈലജയെന്നും കേരളത്തിലെ മാത്രമല്ല, ഇന്ത്യയിലെ തന്നെ ഏറ്റവും മികച്ച മന്ത്രിയാണ് അവരെന്നും ഗവർണർ അരി മുഹമ്മദ് ഖാൻ . തന്റെ കര്‍മ്മ മേഖലയോട് ആത്മാര്‍ത്ഥത പുലര്‍ത്തുന്നയാളാണ് മന്ത്രിയെന്നും ഗവര്‍ണര്‍ പറഞ്ഞു. രാജ്യത്ത് സ്ത്രീകള്‍ വലിയ തോതില്‍ പോഷകാഹാര കുറവ് നേരിടുന്നുണ്ട്.

എന്നാല്‍ അവര്‍ ദുര്‍ബലരായ ജനവിഭാഗമല്ല. അത്തരത്തിലുള്ള ചിന്തകള്‍ ഓരോ കാലഘട്ടത്തിലും സ്ത്രീകള്‍ തിരുത്തിയിട്ടുണ്ടെന്ന് പറയവേയാണ് ആരോഗ്യമന്ത്രി കെ.കെ ശൈലജ രാജ്യത്തെ തന്നെ മികച്ച മാതൃകയാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞത്.ആരോഗ്യ മന്ത്രിയെന്ന നിലയിലുള്ള പ്രവര്‍ത്തനങ്ങളെ പുകഴ്ത്തിയ ഗവര്‍ണര്‍ കെ കെ ശൈലജ തന്‍റെ കര്‍മ്മ മേഖലയോട് ആത്മാര്‍ത്ഥത പുലര്‍ത്തുന്നയാളാണെന്നും പറഞ്ഞു.

ശൈലജയുടെ പ്രവർത്തനത്തിലും സ്വന്തം കർമ്മ മേഖലയോടുള്ള ആത്മാർത്ഥതയിലും അഭിമാനമുണ്ടെന്നും ഗവർണർ വിശദീകരിച്ചു.സംസ്ഥാന ആരോഗ്യവകുപ്പ് സംഘടിപ്പിച്ച കേരള പോഷകാഹാര സമ്മേളനം 2020 എന്ന ചടങ്ങിന്റെ ഉദ്ഘാടനത്തിനിടെയായിരുന്നു ഗവര്‍ണറുടെ പ്രശംസ. സ്ത്രീകള്‍, ഗര്‍ഭിണികള്‍, കുട്ടികള്‍ എന്നിവര്‍ക്കുള്‍പ്പെടെ പോഷകാഹാരം ഉറപ്പാക്കുക ലക്ഷ്യമാക്കിയുള്ള പരിപാടി മികച്ചതാണെന്നും ഗവര്‍ണര്‍ കൂട്ടിചേര്‍ത്തു.

നേരത്തെ കേന്ദ്രം തന്നെ കെ.കെ ശൈലജയെ പുകഴ്ത്തിയിരുന്നു. നിപ്പയേയും കൊറോണയേയും ചെറുക്കുന്നതിന് കേരളത്തിലെ ജനങ്ങളെ രാഷ്ട്രീയ ഭേദമന്യേ ഒരുമിപ്പിച്ച് നിര്‍ത്തിയതും ആത്മധൈര്യം പകര്‍ന്നതും പ്രശംസനീയമാണെന്നാണ് കേന്ദ്രം പറഞ്ഞത്.
ആരോഗ്യ മേഖലയില്‍ കെ.കെ.ശൈലജ കാണിക്കുന്ന ജാഗ്രതയേയും ഉത്തരവാദിത്തത്തേയും പ്രകീര്‍ത്തിച്ച് നിരവധിപേർ രംഗത്തെത്തിയിരുന്നു. നിപ്പയും കൊറോണയും ഉള്‍പ്പെടെയുള്ള വൈറസ് രോഗത്തെ നിയന്ത്രണവിധേയമാക്കിയതില്‍ ആരോഗ്യമന്ത്രിയുടെ പങ്ക് അന്താരാഷ്ട്ര മാധ്യമങ്ങളിലുള്‍പ്പെടെ ചര്‍ച്ചയായിരുന്നു.പൗരത്വ ഭേദഗതി നിയമത്തില്‍ സുപ്രീം കോടതിയെ സമീപിച്ച കേരള സര്‍ക്കാരിന്റെ നിലപാടിനെ എതിര്‍ത്ത് നേരത്തെ ഗവര്‍ണര്‍ ആരിഫ് മുഹമ്മദ് ഖാന്‍ രംഗത്തെത്തിയത് വലിയ വിവാദങ്ങള്‍ക്ക് വഴിവെച്ചിരുന്നു.