വീട്ടു വേലയ്‌ക്ക്‌ നിന്ന യുവതി അവരെ കബളിപ്പിച്ച് പണവും സ്വർണ്ണാഭരണങ്ങളും കവർന്നു. യുവതി പണവും സ്വർണ്ണാഭരണങ്ങളുമായി കടന്നു കളഞ്ഞെന്ന പരാതിയുമായി രംഗത്ത് എത്തിയിരിക്കുകയാണ് വീട്ടുക്കാർ. കായംകുളം, കരിയിലക്കുളങ്ങര, പത്തിയൂർ പടിഞ്ഞാറ്, പനക്കൽ പുത്തൻ വീട്ടിൽ, ബേബിയുടെ മകൾ ബിജിയാണ് തൃശൂർ സ്വദേശി അനീഷ് മുരളിയുടെ ഫ്ളാറ്റിൽ നിന്നും മോഷണം നടത്തി കടന്ന് കളഞ്ഞത്. ഒന്നര ലക്ഷത്തോളം രൂപയും മൂന്ന് പവനടുത്തുള്ള സ്വർണ്ണാഭരണങ്ങളുമാണ് മോഷ്ടിച്ചിരിക്കുന്നത് എന്നാണ് പുറത്ത് വരുന്ന വിവരം. . കഴിഞ്ഞ മാസം 24 നാണ് സംഭവം നടന്നത്.

രാവിലെ അനീഷിന്റെ ഭാര്യ കുട്ടികളെ സ്‌ക്കൂളിലാക്കാൻ പോയിരുന്നു . ഈ സമയത്തായിരുന്ന ബിജി മോഷണം നടത്തിയിരിക്കുന്ന ത്. സ്‌ക്കൂൾ ബസിൽ കുട്ടികളെ കയറ്റിയ ശേഷം തിരികെ ഫ്ളാറ്റിലെത്തിയപ്പോൾ ബിജിയെ കാണാനില്ല . കുറേ നേരം ബിജിയെ അന്വേഷിച്ചെങ്കിലും കണ്ടെത്താൻ സാധിച്ചിരുന്നില്ല . മൊബൈൽ നമ്പർ സ്വിച്ച് ഓഫുമായിരുന്നു. ഇവർ വിവരമറിയിച്ചതിനെ തുടർന്ന് അനീഷ് വേഗം ഫ്ളാറ്റിലെത്തുകയും സംശയം തോന്നി അലമാര പരിശോധിച്ചപ്പോൾ രസ്വർണ്ണാഭരണങ്ങൾ നഷ്ടപ്പെട്ടെന്ന കാര്യം അറിയുകയുമായിരുന്നു .ഇവർക്കായുള്ള അന്വേഷണം വ്യാപകമായിട്ടുണ്ട്.