ഒടുവിൽ നാടകങ്ങൾക്ക് വിരാമം. ഒരുവയസുകാരനെ കൊലപ്പെടുത്തിയ കേസില്‍ ശരണ്യയുടെ കാമുകൻ നിതിൻ പൊലീസ് അറസ്റ്റ് ചെയ്തു. പ്രേരണാ കുറ്റത്തിനാണ് നിതിനെ അറസ്റ്റ് ചെയ്തിരിക്കുന്നത് . കുഞ്ഞിന്‍റെ അമ്മയായ ശരണ്യയുടെ കാമുകനെ കണ്ണൂര്‍ സിറ്റി സ്റ്റേഷന്‍ പൊലീസണ് അറസ്റ്റ് ചെയ്തത് . 

കൊലപാതകം നടന്ന് അടുത്ത ദിവസം തന്നെ ശരണ്യയെ പൊലീസ് അറസ്റ്റ് ചെയ്തിരുന്നുവെങ്കിലും ഒരാഴ്ചയ്ക്ക് ശേഷമാണ് കാമുകന്‍റെ പങ്ക് തെളിയുന്നത്. കുഞ്ഞിനെ കടലില്‍ എറിഞ്ഞു കൊല്ലാനും കൊലയുടെ ഉത്തരവാദിത്തം ഭര്‍ത്താവിന്‍റെ മേല്‍ വയ്ക്കാനുമുള്ള ശ്രമമായിരുന്നു നടന്നത്. ഈ നീക്കം ശരണ്യ ഒറ്റയ്ക്കാണ് നടത്തിയത് എന്നായിരുന്നു നേരത്തെയുള്ള പൊലീസിന്‍റെ നിഗമനം. എന്നാല്‍ പിന്നീട് നടത്തിയ വിശദമായ ചോദ്യം ചെയ്യല്ലില്‍ ആണ് കുഞ്ഞിനെ കൊല്ലാന്‍ കാമുകനായ നിതിന്‍ പ്രേരിപ്പിച്ചെന്ന് ശരണ്യ പൊലീസിന് മൊഴി നല്‍കിയത്. നേരത്തെ ഭര്‍ത്താവിനെ കേസില്‍ പ്രതിയാക്കാന്‍ ശ്രമിച്ച ശരണ്യയുടെ മറ്റൊരു നാടകമായിട്ടായിരുന്നു പൊലീസ് ഇതിനെ കണ്ടെത്. എങ്കിലും നിതിനെ വിളിച്ചു വരുത്തി ചോദ്യം ചെയ്തതിന്‍റെ അടിസ്ഥാനത്തിലാണ് കൊലപാതകത്തിന്‍റെ ഗൂഢാലോചനയില്‍ ഇയാള്‍ക്കും പങ്കുണ്ടെന്ന് വ്യക്തമായത്. ഇയാള്‍ക്കെതിരെ ഗൂഢാലോചനക്കുറ്റമാണ് ചുമത്തിയിരിക്കുന്നത്. അങ്ങനെ ആ നാടകത്തിന് സമാപ്തി വന്നിരിക്കുന്നു. താൻ കുഞ്ഞിനെ കൊല്ലാൻ പറഞ്ഞിരുന്നില്ല എന്നായിരുന്നു നിതിൻ പറഞ്ഞിരുന്നത്. എന്നാൽ ഇപ്പോൾ അറസ്റ്റിലായിരിക്കുന്നു.