തന്റെ വക്കാലത്ത് മുരളീധരന് ഏറ്റെടുക്കേണ്ടെന്ന് രാജ്‌മോഹന്‍ ഉണ്ണിത്താന്; 'തിലകമണിയുന്നതും അണിയാതിരിക്കുന്നതും എന്റെ സ്വാതന്ത്ര്യം'; കാസര്‍ഗോഡ് അത്തരം മതസ്വാതന്ത്ര്യം ഇല്ല എങ്കില്‍ അത് തുറന്നു പറയാനുള്ള ആര്‍ജവം എനിക്കുണ്ടെന്നും രാജ്‌മോഹന്‍ ഉണ്ണിത്താന്
എം.പിയായ രാജ്‌മോഹന്‍ ഉണ്ണിത്താന് നെറ്റിയില്‍ തിലകമണിയാന്‍ കഴിയാത്ത അവസ്ഥയാണ് കാസര്‍കോടുള്ളതെന്ന് പറഞ്ഞ കേന്ദ്ര സഹമന്ത്രി വി. മുരളീധരന് മറുപടിയുമായി രാജ്‌മോഹന്‍ ഉണ്ണിത്താന്. ബി.ജെ.പി ജില്ലാ അദ്ധ്യക്ഷനായി കെ. ശ്രീകാന്ത് സ്ഥാനമേറ്റെടുക്കുന്ന ചടങ്ങിലായിരുന്നു മുരളീധരന്റെ പ്രസ്താവന.
മതസ്വാതന്ത്യം പോലും പ്രകടിപ്പിക്കാനാകാത്ത അവസ്ഥയാണ് കാസര്‍കോടുള്ളതെന്നും എം.പിയായ രാജ്‌മോഹന്‍ ഉണ്ണിത്താന് നെറ്റിയില്‍ തിലകമണിയാന്‍ കഴിയാത്തത് ഇതിന്റെ ഭാഗമായാണെന്നായിരുന്നു മുരളീധരന് പറഞ്ഞത്. ഇതിനെതിരെയാണ് രാജ്‌മോഹന്‍ ഉണ്ണിത്താന് പ്രതികരിച്ചത്.
തന്റെ വക്കാലത്ത് മുരളീധരന് ഏറ്റെടുക്കേണ്ടതില്ല. തനിക്കെതിരെ സമാനമായ പ്രയോഗം മന്ത്രി പല സ്ഥലത്തും പറഞ്ഞു നടക്കുന്നുണ്ട്. തരംതാണ നടപടിയാണിത്. കാസര്‍ഗോഡ് അത്തരം മതസ്വാതന്ത്ര്യം ഇല്ല എങ്കില്‍ അത് തുറന്നു പറയാനുള്ള ആര്‍ജവം എനിക്കുണ്ടെന്നും രാജ്‌മോഹന്‍ ഉണ്ണിത്താന് പറഞ്ഞു
കേന്ദ്രത്തില്‍ മന്ത്രിയാണെങ്കിലും വിവരദോഷം പറയുന്നത് മുരളീധരന് നിര്‍ത്തണം. ഞാന്‍ നെറ്റില്‍ തിലകമണിയുന്നതും അണിയാതിരിക്കുന്നതും വ്യക്തിപരമായ സ്വാതന്ത്ര്യമാണ്. ഇതില്‍ മുരളീധരന് കൈകടത്തേണ്ടതില്ല. രാജ്യത്ത് ആരാധന സ്വാതന്ത്ര്യം നല്‍കാത്ത പാര്‍ട്ടിയാണ് മുരളീധരന്റെത്. ജാതിയും മതവും ചോദിച്ച് ആളെക്കൊല്ലുന്ന പാര്‍ട്ടിയാണ് ബി.ജെ.പിയെന്നും രാജ്‌മോഹന്‍ ഉണ്ണിത്താന് പറഞ്ഞു.
വി.മുരളീധരനെ കേന്ദ്ര മന്ത്രിസഭയില്‍ നിന്നും പുറത്താക്കണമെന്ന നിലപാടില്‍ ആര്‍.എസ്.എസ് പ്രവര്‍ത്തകര്‍ ണ് ഇളകുമ്പോഴാണ് പുതിയ വിവാദവുമായി വി മുരളീധരൻ രംഗത്തെത്തുന്നത്.
മുന്‍ ഡിജിപി, ടി.പി സെന്‍കുമാറിനെതിരായ മുരളീധരന്റെ പ്രതികരണമാണ് സംഘപരിവാര്‍ അണികളെ പ്രകോപിപ്പിച്ചിരിക്കുന്നത്.ശബരിമല വിഷയത്തിലും വെള്ളാപ്പള്ളിയോടുള്ള നിലപാടിലും മുരളീധരന് എതിരെയാണ് ആര്‍.എസ്.എസ് നിലപാട്.സോഷ്യല്‍ മീഡിയകളില്‍ വലിയ രൂപത്തിലുള്ള വിമര്‍ശനമാണ് മുരളീധരനിപ്പോള്‍ ഏറ്റുവാങ്ങി കൊണ്ടിരിക്കുന്നത്
കുമ്മനം രാജശേഖരന്‍, എം.ടി രമേശ്, ശോഭ സുരേന്ദ്രന്‍, എ.എന്‍ രാധാകൃഷ്ണന്‍ തുടങ്ങി നിരവധി നേതാക്കള്‍ മുരളീധരന് എതിരാണ്. മുരളീധരപക്ഷത്തെ നേതാക്കള്‍ തന്നെ സെന്‍കുമാറിന്റെ വിഷയത്തില്‍ വ്യത്യസ്ത നിലപാടാണ് സ്വീകരിച്ചിരിക്കുന്ന സാഹചര്യത്തിലുള്ള ഇത്തരം വാക്പോരുകൾ മുരളീധരന് ഗുണകരമാകുമോ എന്ന് കണ്ടറിയണം.
https://www.facebook.com/Malayalivartha
