കോ​വി​ഡ് 19 മു​ന്‍​ക​രു​ത​ലി​ന്‍റെ ഭാ​ഗ​മാ​യി സം​സ്ഥാ​ന​ത്ത് കൂ​ടു​ത​ല്‍ നി​യ​ന്ത്ര​ണ​ങ്ങ​ള്‍. സം​സ്ഥാ​ന​ത്തെ പൊ​തു​പ​രി​പാ​ടി​ക​ള്‍ക്കെല്ലാം നിയന്ത്രണം ഏ​ര്‍​പ്പെ​ടു​ത്താ​ന്‍ സ​ര്‍​ക്കാ​ര്‍ തീ​രു​മാ​നി​ച്ചു. സ​ന്ന​ദ്ധ സം​ഘ​ട​ന​ക​ള്‍​ക്കും മ​ത​വി​ഭാ​ഗ​ങ്ങ​ള്‍​ക്കും ഇ​ത്ത​രം നി​ര്‍​ദ്ദേ​ശം ന​ല്‍​കും. ആം​ഗ​ന​വാ​ടി മു​ത​ല്‍ ഏ​ഴാം ക്ലാ​സ് വ​രെ​യു​ള്ള എ​ല്ലാ വി​ദ്യാ​ര്‍​ഥി​ക​ള്‍​ക്കും അ​വ​ധി ന​ല്‍​കാ​നും തീ​രു​മാ​നി​ച്ചി​ട്ടു​ണ്ട്. മാ​ര്‍​ച്ച്‌ മാ​സം മു​ഴു​വ​ന്‍ ഇ​ത്ത​ര​മൊ​രു നി​യ​ന്ത്ര​ണം തു​ട​രാ​മെ​ന്നാ​ണ് പ്ര​ത്യേ​ക മ​ന്ത്രി​സ​ഭാ​യോ​ഗ​ത്തി​ല്‍ തീ​രു​മാ​നി​ച്ചി​രി​ക്കു​ന്ന​ത്.

ഏഴാം ക്ലാസ് വരെയുള്ള പരീക്ഷകള്‍ മാറ്റിവയ്ക്കാനാണ് തീരുമാനം. അതേസമയം , എട്ട്​, ഒമ്ബത്​, പത്ത്​​, ഹയര്‍ സെക്കന്‍ഡറി പരീക്ഷകള്‍ മാറ്റമില്ലാതെ തുടരുമെന്ന് സര്‍ക്കാര്‍ അറിയിച്ചു . ഇന്നു ചേര്‍ന്ന മന്ത്രിസഭാ യോഗത്തിലാണ്​ ഇതുസംബന്ധിച്ച തീരുമാനമെടുത്തത്. ​കോളേജുകളില്‍ ക്ലാസുകള്‍ ഒഴിവാക്കും. മാര്‍ച്ചിലെ സര്‍ക്കാറി​​​​ന്‍റെ എല്ലാ പൊതുപരിപാടികളും റദ്ദാക്കാനും മന്ത്രിസഭ യോഗത്തില്‍ തീരുമാനമായി. സംസ്ഥാനത്ത് ആറു പേര്‍ക്ക്​ കോവിഡ്​19 ബാധ റിപ്പോര്‍ട്ട് ചെയ്​ത സാഹചര്യത്തിലാണ്​ നടപടി.

അതേസമയം സംസ്ഥാനത്ത് രണ്ടു പേര്‍ കൂടി കോവിഡ് 19 ബാധ സ്ഥിരീകരിച്ചു. പത്തനംതിട്ടയില്‍ ഇറ്റലിയില്‍നിന്നെത്തിയ കുടുംബവുമായി നേരിട്ട് ഇടപഴകിയവര്‍ക്കാണ് രോഗം സ്ഥിരീകരിച്ചത്. ഇതോടെ കേരളത്തില്‍ കോവിഡ് ബാധിച്ചു ചികിത്സയിലുള്ളവരുടെ 12 ആയി.

പത്തനംതിട്ടയില്‍ ഇറ്റലിയില്‍ നിന്നെത്തി, നേരത്തെ രോഗം സ്ഥിരീകരിച്ച കുടുംബവുമായി അടുത്ത് ഇടപഴകിയ രണ്ടു പേര്‍ക്കാണ് പരിശോധനയില്‍ പോസിറ്റിവ് ഫലം കണ്ടതെന്ന് കലക്ടര്‍ പിബി നൂഹ് പറഞ്ഞു. ഇവര്‍ നേരത്തെ തന്നെ കോഴഞ്ചേരി ആശുപത്രിയില്‍ ചികിത്സയിലാണ്.

കോവിഡ് 19ന്റെ പശ്ചാത്തലത്തില്‍ സംസ്ഥാന ആരോഗ്യ വകുപ്പിന്റെ കീഴില്‍ 24 മണിക്കൂറും പ്രവര്‍ത്തിക്കുന്ന സ്‌റ്റേറ്റ് കോവിഡ് 19 കോള്‍ സെന്റര്‍ വീണ്ടും സജ്ജമാക്കി. പൊതുജനങ്ങള്‍ക്ക് രോഗത്തെ സംബന്ധിച്ച സംശയങ്ങള്‍ക്കും പ്രധാന വിവരങ്ങള്‍ കൈമാറുന്നതിനും 0471 2309250, 0471 2309251, 0471 2309252 കോള്‍ സെന്ററിലെ എന്നീ നമ്ബരുകളില്‍ വിളിക്കാവുന്നതാണ്.