‘കറുത്ത മരണം’ തിരിച്ചുവന്നോ? റഷ്യയിലെ ആശങ്കയിലാഴ്ത്തി ലാബ് ടെക്നീഷ്യന്റെ മരണം. മനുഷ്യരാശിയെ മുഴുവൻ ഇല്ലാതാക്കാൻ ശേഷിയുള്ള ആ രോഗം പടർന്നു പിടിക്കുന്നുവോ. റഷ്യയിൽ സംഭവിച്ചിരിക്കുന്നത് ലോകത്തെ മുഴുവൻ ആശങ്കയിലാഴ്ത്തുന്ന സംഭവങ്ങളാണ് .ഒരുകാലത്ത് ലോകത്തെയാകെ മരണഭീതിയിലാഴ്ത്തിയിരുന്ന രോഗമാണ് പ്ലേഗ്. പതിനാലാം നൂറ്റാണ്ടിൽ "കറുത്ത മരണം" (Black Death) എന്നറിയപ്പെട്ടിരുന്ന ഇത് യൂറോപ്പിൽ 50 ദശലക്ഷത്തിലധികം ആളുകളുടെ മരണത്തിന് കാരണമായി. ലബോറട്ടറിയില്‍ വെച്ച് പ്ലേഗ് ബാക്ടീരിയ അടങ്ങിയ ടെസ്റ്റ് ട്യൂബ് പൊട്ടിയുണ്ടായ അപകടത്തെത്തുടര്‍ന്ന് റഷ്യന്‍ യുവ ഗവേഷക മരിച്ച വാർത്തയാണ് പുറത്തു വരുന്നത് .

റഷ്യയിലെ സൈബീരിയന്‍ മേഖലയിലുള്ള ഇര്‍കുത്സ്‌കിലെ ആന്റി-പ്ലേഗ് റിസര്‍ച്ച് ഇന്‍സ്റ്റിറ്റ്യൂട്ടിലെ ലാബ് ടെക്‌നീഷ്യനായ ദാരിയ ഷിപിലോവ (28) ആണ് ന്യൂമോണിക് പ്ലേഗ് ബാധിച്ച് മരിച്ചത്.ദാരിയ ഷിപിലോവയെ കടുത്ത ന്യുമോണിയയെ തുടർന്ന് സെപ്റ്റംബർ 29നാണ് ആശുപത്രിയിൽ പ്രവേശിപ്പിച്ചത്. വെന്റിലേറ്ററിലായിരുന്ന ഇവർ രണ്ടുദിവസത്തിന് ശേഷം മരിക്കുകയായിരുന്നു. സെപ്റ്റംബര്‍ അവസാനത്തോടെ സാമ്പിളുകള്‍ ശേഖരിക്കുന്നതിനിടെ ജീവനുള്ള ബാക്ടീരിയ അടങ്ങിയ ടെസ്റ്റ് ട്യൂബ് അബദ്ധത്തിൽ പൊട്ടിപ്പോയതായി മെഡിക്കൽ ജീവനക്കാരോട് ദാരിയ പറഞ്ഞിരുന്നതായി റിപ്പോർട്ട് .മംഗോളിയൻ അതിർത്തിയോട് ചേർന്നുള്ള ബുറിയാതിയയിൽ ഫീൽഡ് പര്യവേക്ഷണത്തിനിടെ

രോഗബാധിതയായ ഇവരെ പിന്നീട് ആശുപത്രിയിലേക്ക് മാറ്റുകയായിരുന്നു.ആശുപത്രിയില്‍ പ്രവേശിപ്പിക്കപ്പെട്ട ഇവരെ വെന്റിലേറ്ററിലേക്ക് മാറ്റിയെങ്കിലും ഒക്ടോബര്‍ ഒന്നിന് മരണം സംഭവിക്കുകയായിരുന്നു.സംഭവത്തെത്തുടര്‍ന്ന് മുന്‍കരുതല്‍ നടപടിയായി മേഖലയിലെ അഞ്ചോളം ആശുപത്രികള്‍ അടയ്ക്കുകയും യുവതിയുമായി സമ്പര്‍ക്കത്തില്‍ ഏര്‍പ്പെട്ട നൂറുകണക്കിന് ആളുകളെ ക്വാറന്റീനിലാക്കുകയും ചെയ്തു.മുന്‍കരുതലിന്റെ ഭാഗമായി ഇര്‍കുത്സ്‌ക് മേഖലയില്‍ പൊതുപരിപാടികള്‍ക്കെല്ലാം നിരോധനം ഏര്‍പ്പെടുത്തിയിട്ടുണ്ട്. അപകടകാരിയായ അണുബാധ സംശയിക്കുന്നതായി ഇര്‍കുത്സ്‌ക് ഗവര്‍ണര്‍ ഇഗോര്‍ കോബ്‌സെവ് സ്ഥിരീകരിച്ചു.

എന്നാല്‍ ജനങ്ങള്‍ പരിഭ്രാന്തരാകേണ്ടതില്ലെന്നും പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കിയിട്ടുണ്ടെന്നും അദ്ദേഹം വ്യക്തമാക്കി.ചേര്‍ച്ചയുള്ള ഉപഭോക്തൃ സംരക്ഷണ നിരീക്ഷണ കേന്ദ്രമായ 'റോസ്‌പോട്രെബ്‌നാഡ്‌സര്‍' അടിയന്തര നിരീക്ഷണ നടപടികള്‍ ആരംഭിച്ചിട്ടുണ്ട്. നിലവില്‍ സമ്പര്‍ക്കത്തിലുള്ള ആര്‍ക്കും രോഗലക്ഷണങ്ങളില്ലെന്നും ഇവരുടെ പരിശോധനാഫലങ്ങള്‍ നെഗറ്റീവാണെന്നും അധികൃതര്‍ അറിയിച്ചു. കടുത്ത പടര്‍ച്ചാശേഷിയുള്ള ന്യൂമോണിക് പ്ലേഗ് സമയബന്ധിതമായി ചികിത്സിച്ചില്ലെങ്കില്‍ ജീവന് തന്നെ ഭീഷണിയാകുന്ന ഒന്നാണ്.മേഖലയിലെ മൂന്ന് ആശുപത്രികളിൽ ക്വാറന്റൈൻ സംവിധാനങ്ങൾ ഏർപ്പെടുത്തി. രോഗവ്യാപനത്തിന്റെ തെളിവുകളൊന്നും ഇതുവരെ ലഭിച്ചിട്ടില്ലെന്ന് ഉദ്യോഗസ്ഥർ പറഞ്ഞു.

സമ്പർക്കപ്പട്ടികയിലുള്ള എല്ലാവരും വൈദ്യനിരീക്ഷണത്തിലാണെന്നും ആർക്കും രോഗലക്ഷണങ്ങളില്ലെന്നും ഇർകുത്സ്ക് ഗവർണർ ഇഗോർ കോബ്സെവ് പറഞ്ഞു.ബാബ വാംഗ യെ പോലുള്ള ബൾഗേറിയൻ പ്രവാചകർ പ്രവചിച്ചിരിക്കുന്നത് .പോലെ ലോകത്തെ നശിപ്പിക്കാൻ ശേഷിയുള്ള പകർച്ചവ്യധികൾ പടർന്നു പിടിക്കുമോ എന്നുള്ള ആശങ്കയും ഉയരുന്നു. മുൻവർഷങ്ങളിലെ പ്രവചനങ്ങളുടെ കൂട്ടത്തിൽ, ഒരു പ്രമുഖ രാജ്യം ജൈവായുധങ്ങൾ (Bioweapons) പരീക്ഷിക്കുമെന്നും അതുവഴി മാരകമായ വൈറസുകളോ ബാക്ടീരിയകളോ പടർന്നുപിടിച്ച് ലക്ഷക്കണക്കിന് ആളുകൾക്ക് ജീവനഷ്ടം ഉണ്ടാകുമെന്നും ഉള്ള തരത്തിലുള്ള പ്രവചനങ്ങൾ ബാബ വാംഗയുടേതായി അനുയായികൾ പ്രചരിപ്പിച്ചിരുന്നു