കൊറോണയെ നേരിടാൻ സർക്കാർ നടത്തുന്ന പ്രതിരോധ പ്രവർത്തനങ്ങൾ എന്തൊക്കെയാണെന്ന് ഏവർക്കും അറിയാം. എന്നാൽ സർക്കാരിനെതിരെ പ്രതിപക്ഷം രംഗത്ത് വന്നിരിക്കുകയാണ്. കോവിഡ് 19 വൈറസ് ബാധയെ കുറിച്ചുള്ള പ്രതിപക്ഷത്തിന്‍റെ അടിയന്തര പ്രമേയം നിയമസഭയില്‍ ചര്‍ച്ചയായി. മുസ്ലിം ലീഗ് നിയമസഭാ കക്ഷി നേതാവ് ഡോ. എം.കെ മുനീറായിരുന്നു വിഷയം ചര്‍ച്ച ചെയ്യണമെന്ന് ആവശ്യപ്പെട്ട് അടിയന്തരപ്രമേയ നോട്ടിസ് നല്‍കിയതും. പ്രതിരോധ പ്രവര്‍ത്തനങ്ങള്‍ നടത്തുന്നതില്‍ സര്‍ക്കാറിന് വീഴ്ച പറ്റിയിട്ടുണ്ടെന്നും പ്രതിപക്ഷം ആരോപിക്കുകയും ചെയ്തു.

വൈറസ് ബാധയെ കുറിച്ചുള്ള കേന്ദ്ര സര്‍ക്കാറിന്‍റെ മുന്നറിയിപ്പ് സംസ്ഥാന സര്‍ക്കാര്‍ ഗൗരവമായി എടുത്തില്ലെന്ന് എം.കെ മുനീര്‍ ആരോപണം ഉയർത്തി. ഈ കാര്യങ്ങളിൽ ആരോഗ്യ മന്ത്രി വൈകാരികമായി പ്രതികരിച്ചിട്ട് കാര്യമില്ലെന്നും വിഷയത്തില്‍ ചോദ്യങ്ങള്‍ ഉയരുന്നത് സ്വഭാവികമാണെന്നും അദ്ദേഹം പറഞ്ഞു . അതിനോടും വൈകാരികമായി പ്രതികരിക്കരുതെന്നും . രാഷ്ട്രീയ നേതൃത്വങ്ങളുടെ യോഗം സര്‍ക്കാര്‍ വിളിക്കേണ്ടതായിരുന്നുവെന്നും മുനീര്‍ നിയമസഭയിൽ പറഞ്ഞു. വൈറസ് ബാധ കൈകാര്യം ചെയ്യുന്നതില്‍ തിരുവനന്തപുരത്തും വീഴ്ച സംഭവിച്ചെന്ന് അദ്ദേഹം പറഞ്ഞു . നിരീക്ഷണത്തിലുള്ളയാളെ ആശുപത്രിയില്‍ നിന്ന് വിട്ടയക്കുകയും ചെയ്തിരുന്നു. പിന്നീട് പരിശോധന ഫലം വന്നപ്പോള്‍ അദ്ദേഹത്തെ അന്വേഷിച്ച്‌ കണ്ടുപിടിക്കുകയും ചെയ്തു. ഇതായിരുന്നു സംസ്ഥാനത്തെ ഇപ്പോഴത്തെ അവസ്ഥ. താഴേത്തട്ടിലുള്ള ഡോക്ടര്‍മാരെ വെച്ചല്ല ഇനി കാര്യങ്ങള്‍ നടത്തേണ്ടതെന്നും വിദഗ്ദരുടെ പ്രത്യേക പാനല്‍ തയാറാക്കണമെന്നും മുനീര്‍ ആവശ്യപ്പെടുകയും ചെയ്തു .