കോവിഡ് 19 പ്രതിരോധിക്കുക എന്ന ലക്ഷ്യത്തോടെ പല നിർദേശങ്ങളും സർക്കാർ പുറത്തിറക്കിയിട്ടുണ്ട്. വീടിൽ നിന്ന് പുറത്തിറങ്ങരുത് എന്ന് തുടങ്ങി പൊതു ചടങ്ങുങ്ങൾ അവസാനിപ്പിക്കുക എന്ന തരത്തിൽ വരെ നിർദേശങ്ങൾ വന്നിട്ടുണ്ട്. അതിൽ പ്രധാനമാണ് പൊതു ചടങ്ങുകൾ ഒഴിവാക്കുക എന്ന കാര്യം. എന്നാൽ ഈ നിർദേശങ്ങളെ പാലിക്കുക എന്നത് പലർക്കും വളരെ പ്രയാസമായി തോന്നുന്ന കാര്യമാണ്. ഇതിനിടയിൽ മാതൃകപരമായ ഒരു പ്രവർത്തി ചെയ്തിരിക്കുകയാണ് ഉത്തര ഉണ്ണി. ആഘോഷ പൂർവം നടത്തേണ്ടുന്ന തന്റെ വിവാഹം ഒരു ചടങ്ങായി മാത്രം ചുരുക്കാൻ തീരുമാനിച്ചിരിക്കുകയാണ് ഉത്തര. ഇൻസ്റ്റാഗ്രാം പോസ്റ്റിലൂടെയാണ് താരം ഈ കാര്യം വ്യക്തമാക്കിയത്. ഉത്തര ഉണ്ണിയുടെ ഇൻസ്റ്റാഗ്രാം പോസ്റ്റ് ഇങ്ങനെയാണ്; കൊറോണ എന്ന പകർച്ചവ്യാധിയിലൂടെ ലോകം കടന്നുപോകുമ്പോൾ, സാഹചര്യം ശാന്തമാകുന്നതുവരെ ഞങ്ങളുടെ വിവാഹ ആഘോഷങ്ങൾ മാറ്റിവയ്ക്കാൻ തീരുമാനിച്ചു. വിവാഹത്തില്‍ പങ്കെടുക്കുന്നതിനായി മുന്‍കൂട്ടി ടിക്കറ്റ് ബുക്ക് ചെയ്തവരോട് ക്ഷമ ചോദിക്കുന്നു.

എന്നിരുന്നാലും നിശ്ചയിച്ച തീയതിയിൽ തന്നെ ഞങ്ങൾ ക്ഷേത്രത്തിൽ വച്ച് താലികെട്ട് മാത്രം നടത്തും. ആഘോഷപരിപാടികള്‍ തീരുമാനിച്ചാല്‍ അതേക്കുറിച്ച് എല്ലാവരേയും അറിയിക്കും. എല്ലാവരും സുരക്ഷിതരായി ഇരിക്കണം. വേണ്ട മുന്‍കരുതലുകള്‍ എടുക്കണം. താരത്തിന്റെ ഈ തീരുമാനം തികച്ചും മാതൃകപരമാണ് എന്ന് പറയാതിരിക്കാൻ വയ്യ. ലോക വ്യാപകമായി കൊവിഡ് 19 പടരുന്ന സാഹചര്യത്തിലാണ് തന്റെ വിവാഹാഘോഷങ്ങള്‍ മാറ്റി വയ്ക്കുന്നു എന്ന തീരുമാനം നടി ഉത്തര ഉണ്ണി എടുത്തരിക്കുന്നത്. ഏപ്രില്‍ മാസത്തിലാണ് ഉത്തരയുടെ വിവാഹം. ഐടി മേഖലയില്‍ ജോലി ചെയ്യുന്ന നിതേഷാണ് വരൻ. കൊറോണ ഭീതി വിട്ടൊഴിഞ്ഞതിന് ശേഷം മാത്രമേ ആഘോഷ പരിപാടികള്‍ സംഘടിപ്പിക്കുകയുള്ളൂ എന്നും ഉത്തര ഉണ്ണി ഇന്‍സ്റ്റാഗ്രാമില്‍ കുറിക്കുകയുണ്ടായി. നേരത്തെ നിശ്ചയിച്ച പ്രകാരം പരമ്പരാഗത ആചാര പ്രകാരമുള്ള താലികെട്ട് മാത്രം അമ്പലത്തിൽ വച്ച് നടത്തുമെന്നും ഉത്തര വ്യക്തമാക്കുകയും ചെയ്തു. കൊറോണയെ പ്രതിരോധിക്കുക എന്ന ലക്ഷ്യത്തോടെ നിരവധി നിർദേശങ്ങൾ മുഖ്യമന്ത്രി പുറപ്പെടുവിച്ചിരുന്നു. അതിൽ പ്രധാനമായിരുന്നു പൊതുചടങ്ങുകൾ മാറ്റി വയ്ക്കുക എന്നത്. വിവാഹം പോലുള്ള ആളുകൾ കൂടുന്ന ചടങ്ങുകൾക്ക് നിയന്ത്രണം ഏർപ്പെടുത്തിയിരുന്നു. വാഹം മാറ്റിവെക്കാന്‍ സാധിച്ചില്ലെങ്കില്‍ വലിയ ആളുകള്‍ കൂടാത്ത തരത്തില്‍ ചടങ്ങുകളായി മാത്രം നടത്തണമെന്നും നിർദേശമുണ്ടായിരുന്നു. അത് പാലിച്ച് മാതൃകയായിരിക്കുകയാണ് ഉത്തര.