കോവിഡൊന്നും പ്രശ്നമില്ല! വമ്പന്മാരുടെ ഇഷ്ട ലഹരിയായ'പാര്‍ട്ടി ഡ്രഗു'മായി പാഞ്ഞത് ഇരുപത്തി മൂന്നുകാരന്‍; സ്വര്‍ണത്തേക്കാള്‍ പൊള്ളുന്ന വിലയുമായി ഐസ്മെത്തുമെന്നറിയപ്പെടുന്ന ഈ ലഹരി!! ചിറയിന്‍കീഴ് ക്സൈസിന്‍റെയും എക്സൈസ് ഇന്‍റലിജന്‍സിന്‍റെയും സംയുക്ത പരിശോധനയില്‍ പുറത്ത് വരുന്നത് ഞെട്ടിക്കുന്ന വിവരങ്ങൾ
എക്സൈസിന്‍റെയും എക്സൈസ് ഇന്‍റലിജന്‍സിന്‍റെയും സംയുക്ത പരിശോധനയില്‍ മാരകമായ ന്യൂജനറേഷന്‍ മയക്കുമരുന്നുമായി യുവാവ് പിടിയിലായി. നെയ്യാറ്റിന്‍കര അരുവിപ്പുറം സ്വദേശിയായ ആദര്‍ശ് (23) ആണ് എക്സൈസിന്‍റെ പിടിയിലായത്. '
ഐസ്മെത്ത്', 'പാര്‍ട്ടി ഡ്രഗ്' തുടങ്ങിയ പേരുകളില്‍ അറിയപ്പെടുന്ന 'മെഥിലിന്‍ ഡയോക്സി മെത്താംഫെറ്റമിന്‍'(MDMA) എന്ന മാരക സിന്തറ്റിക് മയക്കുമരുന്ന് വില്‍പ്പനയ്ക്കായി ബൈക്കില്‍ കടത്തിക്കൊണ്ടു വരുമ്ബോഴാണ് ഇയാള്‍ പിടിയിലായത്.
500 മില്ലിഗ്രാം എംഡിഎംഎ കൈവശം വയ്ക്കുന്നതുപോലും പത്തുവര്‍ഷം വരെ തടവ് ശിക്ഷ കിട്ടാവുന്ന കുറ്റമാണ് എന്നിരിക്കെ ഇയാളില്‍ നിന്നും 10560 മില്ലിഗ്രാം മയക്കുമരുന്നാണ് പിടിച്ചെടുത്തത്. ഒരു ഗ്രാമിന് 3000 മുതല്‍ 5000 രൂപ വരെ വിലയുള്ള എംഡിഎംഎ നിശാ പാര്‍ട്ടികളില്‍ സമ്ബന്നരുടെ ലഹരി ആയതിനാലാണ് 'പാര്‍ട്ടി ഡ്രഗ് ' എന്ന പേരില്‍ അറിയപ്പെടുന്നത്.
ബംഗളൂരു, ഗോവ എന്നിവിടങ്ങളില്‍ നിന്നും എംഡിഎംഎ കടത്തിക്കൊണ്ടുവന്നു ജില്ലയുടെ വിവിധ ഭാഗങ്ങളില്‍ വില്‍പ്പന നടത്തി വരികയായിരുന്ന ഇയാള്‍ എക്സൈസിന്‍റെ രഹസ്യ നിരീക്ഷണത്തിലായിരുന്നു.
ചിറയിന്‍കീഴ് എക്സൈസ് ഇന്‍സ്പെക്ടര്‍ അരവിന്ദ്, ഐബി ഇന്‍സ്പെക്ടര്‍ മോഹന്‍കുമാര്‍ എന്നിവരുടെ നേതൃത്വത്തില്‍ പ്രിവന്‍റീവ് ഓഫീസര്‍മാരായ സജി,സുധീഷ്കൃഷ്ണ, അശോക് കുമാര്‍,സന്തോഷ് സിവില്‍ എക്സൈസ് ഓഫീസര്‍മാരായ അരുണ്‍മോഹന്‍,സുഭാഷ്,ദിനു, ജാഫര്‍,സെബാസ്റ്റ്യന്‍ എക്സൈസ് ഡ്രൈവര്‍മാരായ അഭിലാഷ്,ഹരീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതി റിമാന്‍ഡ് ചെയ്തു.
https://www.facebook.com/Malayalivartha
