കാസര്‍കോട് കഴിഞ്ഞ ദിവസം റിപ്പോര്‍ട്ട് ചെയ്ത 34 കോാവിഡ് 19 പോസിറ്റീവ് കേസുകളില്‍ പത്താം ക്ലാസ് വിദ്യാര്‍ത്ഥിനിയും. കാഞ്ഞങ്ങാട് ദുര്‍ഗ ഹയര്‍ സെക്കന്ററി സ്‌കൂളിലെ വിദ്യാര്‍ത്ഥിനിക്കാണ് കോവിഡ് സ്ഥിരീകരിച്ചത്.

വിദ്യാര്‍ത്ഥിനിയുടെ കൂടെ പരീക്ഷ എഴുതിയവരും സഹപാഠികളും നിരീക്ഷണത്തില്‍ പോകണമെന്ന് ആരോഗ്യവകുപ്പ് നിര്‍ദേശം നല്‍കി. വ്യാഴാഴ്ച മൂന്നു പേര്‍ക്ക് ജില്ലയില്‍ രോഗം സ്ഥിരീകരിച്ചിരുന്നു. ഇതില്‍ ഒരാളുടെ മകള്‍ക്കാണ് രോഗം സ്ഥിരീകരിച്ചത്. പ്രാഥമിക സമ്ബര്‍ക്കത്തില്‍ ഏര്‍പ്പെട്ട കുട്ടിക്കാണ് രോഗം സ്ഥിരീകരിച്ചിരിക്കുന്നത്.

വിദ്യാര്‍ത്ഥിനി പത്ത് എഫ് ഡിവിഷനിലാണ് പഠിക്കുന്നത്. പത്ത് എ ഡിവിഷനില്‍ ഇരുന്നാണ് കുട്ടി പരീക്ഷ എഴുതിയത്. ജില്ലയില്‍ ആകെ 81 പേരാണ് കോവിഡ് ബാധിതരായുള്ളത്. അതേസമയം ജില്ലയില്‍ വൈറസിന്റെ സാമൂഹ്യ വ്യാപനം നടന്നിട്ടില്ലെന്നും അതിന്റെ വക്കിലാണെന്നുമാണ് ആരോഗ്യവകുപ്പിന്റെ വിലയിരുത്തല്‍.