ബി ടെക് വിദ്യാര്‍ത്ഥി ഹോസ്റ്റല്‍ കെട്ടിടത്തിന് മുകളില്‍ നിന്ന് വീണ് മരിച്ച നിലയില്‍ കണ്ടെത്തി
കോതമംഗലം 20 കാരനായ എം.എ എന്‍ജിനിയറിംഗ് കോളേജ് വിദ്യാര്‍ത്ഥി ഹോസ്റ്റല്‍ കെട്ടിടത്തിന് മുകളില്‍ നിന്ന് വീണ് മരിച്ച നിലയില്‍. നിലത്ത് വീണ നിലയിലാണ് സഹപാഠികള്‍ ആയേഷിനെ കണ്ടത്. ഉടന്‍ കോതമംഗലം ബസേലിയോസ് ആശുപത്രിയില്‍ എത്തിച്ചു. പരിക്ക് ഗുരുതരമായതിനാല്‍ വിദഗ്ദ്ധ ചികിത്സയ്ക്കായി പിന്നീട് ആലുവ രാജഗിരി ആശുപത്രിയിലെത്തിച്ചെങ്കിലും മരണം സംഭവിച്ചു.
ബി.ടെക് (എ.ഐ ആന്‍ഡ് മെഷീന്‍ ലേണിംഗ് ) മൂന്നാം വര്‍ഷ വിദ്യാര്‍ത്ഥി തിരുവനന്തപുരം കല്ലറ മൈലോട്ട്‌കൊണോത്ത് പുത്തന്‍വീട്ടില്‍ ജി. വിജയന്‍പിള്ളയുടെയും അനിതയുടെയും മകന്‍ ആയേഷ് (20) ആണ് മരിച്ചത്. ഇന്ന് വൈകിട്ടാണ് സംഭവം.
ആത്മഹത്യയാണെന്നാണ് പ്രാഥമിക നിഗമനം. കോതമംഗലം പൊലീസ് നടപടികള്‍ സ്വീകരിച്ചു. നാളെ പോസ്റ്റുമോര്‍ട്ടം നടത്തും. രണ്ട് മാസം മുമ്പ് ഈ കോളേജില്‍ അരുണാചല്‍പ്രദേശ് സ്വദേശിയായ വിദ്യാര്‍ത്ഥി ആത്മഹത്യ ചെയ്ത സംഭവം ഏറെ വിവാദം സൃഷ്ടിക്കുകയും വിദ്യാര്‍ത്ഥി പ്രക്ഷോഭത്തിന് കാരണമാവുകയും ചെയ്തിരുന്നു.
https://www.facebook.com/Malayalivartha
