അവിശ്വസനീയമായ ഒരു കാര്യമായിരുന്നു വര്‍ഷങ്ങള്‍ക്ക് മുന്‍പ് തിരുവനന്തപുരത്തെ ഗ്രാമ പ്രദേശങ്ങളില്‍ രാത്രി കാലങ്ങളില്‍ സജീവമായി ഇറങ്ങുന്ന ബ്ലാക്ക് മാന്‍ കഥ .മോഷണത്തിനും പിടിച്ചുപറിക്കുമായി നടത്തുന്ന തട്ടിപ്പാകാന്‍ സാധ്യത ഉണ്ട് എന്ന് കണ്ടു ജനങ്ങള്‍ ഉറങ്ങാതെ കൂട്ടം കൂട്ടമായി വരെ അര്‍ദ്ധരാത്രിയില്‍ കാത്തിരുന്ന ഘട്ടങ്ങളുണ്ട് .ഇപ്പോഴിതാ അതിനു സമാനമായി മറ്റൊരു സംഭവം തൃശ്ശൂരിലും
പരിസര പ്രദേശത്തും കാണപ്പെടുന്നതായി റിപ്പോര്‍ട്ടുണ്ട് .നിലവിലെ സാഹചര്യം കണക്കിലെടുത്തു കവര്‍ച്ചയുള്‍പ്പടെ ഉള്ള പദ്ധിതിയുടെ ഭാഗമായി ആകാം ഇത്തരം ഗൂഢ നീക്കം എന്നാണ് പ്രാഥമികമായ വിലയിരുത്തല്‍ .

തൃശൂര്‍ ജില്ലയിലെ കുന്നംകുളം മേഖലയില്‍ പലയിടത്തും അജ്ഞാതരൂപം കണ്ടതായി നാട്ടുകാര്‍ പറയുന്നുണ്ട് അജ്ഞാതരൂപത്തെ കയ്യോടെ പിടികൂടാന്‍ രാത്രിയില്‍ ഉറക്കമൊഴിച്ച് കാത്തിരിക്കുകയാണ് നാട്ടുകാര്‍. ഫെബ്രുവരി മാസത്തില്‍ ആലപ്പുഴ ജില്ലയിലെ അരൂര്‍ മേഖലയില്‍ ഇതിനു സമാനമായ സംഭവം അരങ്ങേറിയതായും റിപ്പോര്‍ട്ടുണ്ടായിരുന്നു.അതിനാല്‍ തന്നെ പോലീസ് ഇതിനെ ഗൗരവത്തോടെ തന്നെയാണ് കാണുന്നത് .മാത്രമല്ല ഇതിനു പിന്നില്‍ കൊള്ളസംഘങ്ങളോ മറ്റും ഉണ്ടോ എന്നതിനെ പറ്റിയും അന്വേഷിച്ചു വരികയാണ് അരൂരില്‍ വളര്‍ത്തുനായ്ക്കളെ വെട്ടിവീഴ്ത്തി അജ്ഞാതന്‍ നടക്കുന്നുണ്ടെന്നയിരുന്നു അന്ന് സാമൂഹ്യ മാധ്യമങ്ങളിലൂടെ പുറത്ത് വന്ന വാര്‍ത്ത ഇതിനു പിന്നിലെ യാഥാര്‍ഥ്യമെന്ത് എന്നത് ഉത്തരം കിട്ടാത്ത ചോദ്യമായി അവശേഷിക്കുകയാണ്

അരൂരില്‍ വളര്‍ത്തുനായ്ക്കളെ വെട്ടിവീഴ്ത്തിയും അതിക്രൂരമായി കൊലപ്പെടുത്തിയുമെല്ലാമാണ് അവിടെ ചിലര്‍ സാന്നിധ്യം അറിയിച്ചതെന്നാണ് നാട്ടുകാരുടെ വെളിപ്പെടുത്തല്‍ .ഇപ്പോഴിതാ കുന്നംകുളം, കരിക്കാട്, പഴഞ്ഞി തുടങ്ങി പലയിടങ്ങളിലും രാത്രിയില്‍ ആളുകള്‍ അജ്ഞാതരൂപത്തെ കണ്ടു എന്നാണ് സമീപവാസികള്‍ പറയുന്നത് . വീടിനും മരത്തിനും മുകളില്‍ ഓടിക്കയറും. നിമിഷനേരം കൊണ്ട് ഓടിമറയും. അജ്ഞാതരൂപത്തിന്റെ ചിത്രമോ വീഡിയോയോ ആരും പകര്‍ത്തിയിട്ടില്ല. കഴിഞ്ഞ കുറച്ചു ദിവസങ്ങളായി ഈ മേഖലയില്‍ പരിഭ്രാന്തിയുണ്ട്.ഓണ്‍ലൈന്‍ ഗെയിമിന്റെ ഭാഗമായി ആരെങ്കിലും വേഷംമാറി ചുറ്റുന്നതാണോയെന്ന് പൊലീസ് സംശയിക്കുന്നു. യുവാക്കളുടെ സംഘം പൊലീസിന്റെ സഹായത്തോടെ നാടുമുഴുവന്‍ രാത്രി കറങ്ങുന്നുണ്ടെങ്കിലും അജ്ഞാത രൂപത്തെ പിടിക്കാന്‍ കഴിഞ്ഞിട്ടില്ല.ഇത് ലോക്ക് ഡൌണ്‍ കാലത്തുള്ള മുതലെടുപ്പാകാമെന്നാണ് നാട്ടുകാരില്‍ ചിലരുടെ അഭിപ്രായം

ലോക്ഡൗണിലെ സാമൂഹിക അകലം അജ്ഞാതരൂപം കാരണം രാത്രിയില്‍ തെറ്റുന്നുണ്ട്. യുവാക്കള്‍ കൂട്ടമായാണ് പുറത്തിറങ്ങുന്നത്. എന്നാല്‍ നിലവില്‍ മോഷ്ടാവല്ല ഇതെന്ന് പൊലീസ് ഉറപ്പിച്ചു പറയാനും കാരണമുണ്ട് .എവിടേയും ഒന്നും മോഷണം പോയിട്ടില്ല. രാത്രികാലങ്ങളില്‍ പൊലീസ് പട്രോളിങും ഊര്‍ജിതമാക്കിയിട്ടുണ്ട് .കൊല്ലം നീണ്ടകര ഭാഗത്തു ജനുവരി മാസം അവസാന വാരമായിരുന്നു ഇതിനു സമാനമായ ആദ്യ സംഭവം മൂന്ന് വളര്‍ത്തു നായ്ക്കളുള്ള ഒരു വീട്ടിലെ നായയെ കുത്തി പരിക്കേല്‍പ്പിച്ചിരിക്കുന്നതായി വീട്ടുകാരുടെ ശ്രദ്ധയില്‍പെട്ടു. എന്നാല്‍ ഇത് പൊലീസില്‍ റിപ്പോര്‍ട്ട് ചെയ്യാന്‍ ഇവര്‍ തയാറായില്ല. തുടര്‍ന്ന് രണ്ടാം ദിവസം രാത്രി വീടിനു പുറത്ത് ഒരാളെ കണ്ടു. രാവിലെ നായയെ വെട്ടിക്കൊലപ്പെടുത്തിയതായി കണ്ടെത്തി. തുടര്‍ന്നാണ് പൊലീസില്‍ അറിയിക്കുന്നത്.

ഈ പരിസരങ്ങളിലായി വീണ്ടും വളര്‍ത്തുനായ്ക്കള്‍ക്കെതിരെ ആക്രമണങ്ങളുണ്ടായി. ഒരു നായയെ കാണാനില്ലെന്നും പരാതിയുണ്ട്. മറ്റൊരു നായയെ അടിച്ച് പരുക്കേല്‍പ്പിച്ച് മുഖം തകര്‍ത്ത അവസ്ഥയിലാണ്. എന്നാല്‍ പിന്നീട് കേസുകളൊന്നും റിപ്പോര്‍ട്ട് ചെയ്തിട്ടില്ലെന്നും എസ്‌ഐ പറയുന്നു. കത്തിയോ മറ്റ് മൂര്‍ച്ചയുള്ള ആയുധംകൊണ്ടോ ആണ് നായ്ക്കളെ പരിക്കേല്‍പ്പിച്ചിരിക്കുന്നത്.ഇതിനു സമാനമായ തന്നെയാണ് ഇപ്പോള്‍ തൃശ്ശൂരിലെ സംഭവത്തെ പറ്റിയും പോലീസ് അന്വേഷിച്ചു വരുന്നത്