എം.എല്‍.എയും ഡി.വൈ.എഫ്.ഐയും നേര്‍ക്കുനേര്‍? വൈറസുകളെക്കാള്‍ വിഷമുള്ള ചില മനുഷ്യവൈറസുകള്‍ സമൂഹത്തിലേക്കിറങ്ങിയിട്ടുണ്ടെന്ന് യു പ്രതിഭാ എംഎല്‍എ
വൈറസുകളെക്കാള്‍ വിഷമുള്ള ചില മനുഷ്യവൈറസുകള്‍ സമൂഹത്തിലേക്കിറങ്ങിയിട്ടുണ്ടെന്ന് യു പ്രതിഭാ എംഎല്‍എ. കായംകുളം എം എല്‍ എ വീട്ടില്‍ തന്നെ കഴിയുകയാണെന്നും കൊറോണ വൈറസ് പ്രതിരോധപ്രവര്‍ത്തനങ്ങള്‍ക്ക് നേതൃത്വം നല്‍കുന്നില്ലെന്ന ഡിവൈഎഫ്ഐയുടെ പ്രാദേശിക നേതാക്കളുടെ വിമര്‍ശനത്തിന് മറുപടിയുമായി രംഗത്തെത്തുകയായിരുന്നു എം എല്‍ എ.
അതേസമയം താന്‍ സര്‍ക്കാര്‍ നിര്‍ദ്ദേശിച്ചിരിക്കുന്ന വര്‍ക്ക് ഫ്രം ഹോം രീതിയാണ് നടപ്പാക്കുന്നത്. തന്റെ മണ്ഡലത്തില്‍ കൊറോണ പ്രതിരോധ പ്രവര്‍ത്തനങ്ങളില്‍ വീഴ്ച പറ്റിയിട്ടില്ല. കമ്മ്യൂണിറ്റി കിച്ചണ്‍ അടക്കമുള്ള എല്ലാ പ്രവര്‍ത്തനങ്ങളും കൃത്യമായി ഏകോപിപ്പിക്കുന്നു. വൈറസുകളെക്കാള്‍ വിഷമുള്ള ചില മനുഷ്യവൈറസുകള്‍ സമൂഹത്തിലേക്കിറങ്ങിയിട്ടുണ്ടെന്നും അതിനെയെല്ലാം പുച്ഛത്തോടെ തള്ളിക്കളയുകയാണെന്നും എം എല്‍ എ പറഞ്ഞു.
കായംകുളം നഗരസഭ ചെയര്‍മാന്‍ ശിവദാസനുമായുള്ള ശീതസമരത്തിന്റെ ഭാഗമായിട്ടാണ് ഇത്തരത്തിലുള്ള ആക്ഷേപങ്ങള്‍ എന്നാണ് പാര്‍ട്ടി നേതൃത്വത്തിന്റെ വിലയിരുത്തല്‍. അതേസമയം സംഭവത്തില്‍ പാര്‍ട്ടി ജില്ലാ നേതൃത്വം സംഭവത്തില്‍ ഇടെപെടുകയും ഡി വൈ എഫ് ഐ നേതാക്കളോട് വിശദീകരണം തേടുകയും ചെയ്തിരുന്നു.
ഫോണില്‍ ബന്ധപ്പെടുവാന്‍ സാധിക്കുന്നില്ല, സോഷ്യല്‍ മീഡിയ വഴിയാണ് പ്രവര്‍ത്തനങ്ങള്‍ ഏകോപിപ്പിക്കുന്നത്. എന്നാല്‍ ഇതിന് പരിമിതികള്‍ ഉണ്ട്. എം എല്‍ എ ഓഫീസ് പൂട്ടി ഇട്ടിരിക്കുകയാണ്. കൂടാതെ സോഷ്യല്‍മീഡിയ വഴിയുള്ള പ്രവര്‍ത്തനങ്ങള്‍ നിര്‍ത്തി ജനങ്ങള്‍ക്കിടയിലേക്ക് ഇറങ്ങി പ്രവര്‍ത്തിക്കണമെന്നുമായിരുന്നു കായംകുളത്തെ പ്രാദേശിക ഡിവൈഎഫ്ഐ നേതാക്കളുടെ ആവശ്യം. തുടര്‍ന്ന് സാമൂഹിക മാധ്യമങ്ങളിലൂടെ വലിയ ചര്‍ച്ചക്ക് വഴി വെച്ചതിനെ തുടര്‍ന്നാണ് എം എല്‍ എ രംഗത്തെത്തിയത്.
"
https://www.facebook.com/Malayalivartha
