ഒരുമാസത്തിലേറെയായി കൊറോണ വൈറസ് ഭീതിയുടെ നിഴലിലായിരുന്ന കോട്ടയം കൊണ വൈറസ് വിമുക്തമായി. ജില്ലയിൽ കൊറോണ വൈറസ് രോഗബാധ സ്ഥിരീകരിച്ച് ചികിത്സയിൽ കഴിഞ്ഞിരുന്ന എല്ലാവരുടെയും പരിശോധനാ ഫലം നെഗറ്റീവ്. വൃദ്ധ ദമ്പതികളും ആരോഗ്യ പ്രവർത്തകയുടെയും രോഗം ഭേദമായി. മെഡിക്കൽ കോളജിലെ നേഴസും രോഗ വിമുക്തയായി. ഇവരെ ആശുപത്രിയിൽ നിന്നും ഡിസ്ചാർജ് ചെയ്തു.

കൊറോണ വൈറസ് ബാധ സംസ്ഥാനത്ത് അതിവേഗം പടർന്നുകൊണ്ടിരിക്കുന്ന സാഹചര്യത്തിൽ കോട്ടയത്ത് വൈറസ് ബാധിതരായി ചികിത്സയിൽ കഴിഞ്ഞിരുന്നവർ രോഗ വിമുക്തരായ എന്ന വാർത്ത വളരെയധികം ആശ്വാസം പകരുന്നതാണ്.

അതേസമയം ജില്ലയിൽ ആദ്യമായി രോഗം സ്ഥിരീകരിച്ച് കോട്ടയം മെഡിക്കൽ കോളജിൽ ചികിത്സയിൽ കഴിഞ്ഞിരുന്ന പത്തനംതിട്ട റാന്നി സ്വദേശികളായ 93 വയസുകാരായ ദമ്പതിമാർ കഴിഞ്ഞ ദിവസം രോഗ വിമുക്തി നേടിയിരുന്നു. ഇവരെ വെള്ളിയാഴ്ച ആശുപത്രിയിൽ നിന്നും ഡിസ്ചാർജ് ചെയ്തു. മെഡിക്കൽ ബോർഡ് യോഗം ചേർന്ന് ഇവരുടെ ആരോഗ്യനില തൃപ്തികരമാണെന്ന് കണ്ടതിനെ തുടർന്നാണ് ഡിസ്ചാർജ് ചെയ്തത്. ഇറ്റലിയിൽ നിന്നെത്തിയ ഇവരുടെ റാന്നി സ്വദേശികളായ ബന്ധുക്കളിൽ നിന്നാണ് ഇവർക്ക് രോഗം ലഭിച്ചത്.

അതേസമയം ജില്ലയിൽ 3304 പേരാണ് ഹോം ക്വാറന്റൈയിനിൽ കഴിയുന്നത്. വ്യാഴാഴ്ച മാത്രം 22 പേർക്കാണ് ഹോം ക്വാറന്റൈയിൻ നിർദ്ദേശം നൽകിയിരുന്നത്.