കോവിഡ്​ 19 നെ നിയന്ത്രിക്കാന്‍ പ്രയത്നിക്കുന്ന യു.കെയില്‍ നിന്ന്​ ദിവസങ്ങളായി വന്നുകൊണ്ടിരിക്കുന്നത്​ നിരാശ നൽകുന്ന വാര്‍ത്തകളാണ്​​. ഇന്നിതാ കോവിഡ്​ 19 വൈറസ്​ ബാധയേറ്റ രോഗികളെ ചികില്സിക്കുന്നതിനിടെ രണ്ട്​ നഴ്​സുമാർ മരണപ്പെട്ട വേദനിക്കുന്ന വാർത്തയാണ് പുറത്തുവന്നിരിക്കുന്നത്. നാഷണല്‍ ഹെല്‍ത്ത്​ സര്‍വീസിന്​ (എന്‍.എച്ച്‌​.എസ്​) കീഴില്‍ പ്രവര്‍ത്തിച്ചുകൊണ്ടിരുന്ന 38 വയസുകാരിയായ ​ ഐമീ ഒൗറുര്‍ക്​, 36 കാരിയായ അരീമ നസ്രീന്‍ എന്നിവരാണ്​ രോഗബാധയേറ്റ്​ മരണമടഞ്ഞത്.

വെസ്റ്റ്​ മിഡ്​ലാന്‍ഡ്​സിലെ വാല്‍സാല്‍ മനോര്‍ ആശുപത്രയിലെ നഴ്​സായിരുന്ന അരീമ നസ്രീന്​ യാതൊരു ആരോഗ്യ പ്രശ്​നവുമുണ്ടായിരുന്നില്ല. വെള്ളിയാഴ്​ച രാവിലെയായിരുന്നു അവര്‍ മരിച്ചത്​. മൂന്ന്​ കുട്ടികളുടെ മാതാവാണ് അരീമ.

സഹോദരിയുടെ മരണം വേദനിപ്പിച്ചെന്നും ഇത്തരം സംഭവങ്ങള്‍ എല്ലാവരും ഗൗരവത്തിലെടുത്തിലെടുക്കണമെന്നും അരീമയുടെ സഹോദരി പറഞ്ഞു. മാര്‍ഗേറ്റ്​ ക​െന്‍റിലെ ക്വീന്‍ എലിസബത്ത്​ ദ ക്വീന്‍ മദര്‍ ആശുപത്രിയിലെ നഴ്​സായിരുന്നു ​ ഐമീ ഒൗറുര്‍ക്​. മൂന്ന്​ കുട്ടികളുടെ മാതാവായ അവരുടെ മരണവും വെള്ളിയാഴ്​ച പുലര്‍ച്ചെയായിരുന്നു. രോഗബാധയേറ്റ മൂന്നാമത്തെ നഴ്​സ്​ സൗത്​എന്‍ഡ്​ ആശുപത്രിയിലെ തീവ്രപരിചരണ വിഭാഗത്തിലാണ്​. ഹെല്‍ത്ത്​ സെക്രട്ടറി മാറ്റ്​ ഹാന്‍കോക്​ മരിച്ച രണ്ട്​ നഴ്​സുമാര്‍ക്കും അനുശോചനം നേര്‍ന്നു. ഇരുവരുടെയും മരണത്തോടെ ബ്രിട്ടനില്‍ ഇതുവരെ കോവിഡ്​ ബാധിച്ച്‌​ മരിച്ച നഴ്​സുമാരുടെ എണ്ണം ഏഴായി.