ലോക്ഡൗണ് ഏപ്രില്14 വരെയെന്ന് പ്രധാനമന്ത്രി നരേന്ദ്രമോഡി... സഞ്ചാരത്തിന് നിയന്ത്രണം തുടരും, മുഖ്യമന്ത്രിമാരുമായുള്ള ചര്ച്ചയിലാണ് പ്രധാനമന്ത്രിയുടെ പ്രസ്താവന
ലോക്ഡൗണ് ഏപ്രില്14 വരെയെന്ന് പ്രധാനമന്ത്രി നരേന്ദ്രമോഡി. സഞ്ചാരത്തിന് നിയന്ത്രണം തുടരും. മുഖ്യമന്ത്രിമാരുമായുള്ള ചര്ച്ചയിലാണ് പ്രധാനമന്ത്രിയുടെ പ്രസ്താവന. രോഗബാധ തീവ്രമാകാന് സാധ്യതയുളള 22 സ്ഥലങ്ങള് കൂടി പ്രഖ്യാപിച്ചു.
ലോക്ഡൗണ് അവസാനിക്കുന്ന ഏപ്രില് 14ന് അര്ധരാത്രിക്കുശേഷം പുറത്തിറങ്ങാമെന്നു കരുതിയോ? സാധ്യത വിരളമെന്നാണ് റിപ്പോര്ട്ടുകള് സൂചിപ്പിക്കുന്നത്. ആദ്യം പ്രഖ്യാപിച്ചതുപോലെ ലോക്ഡൗണ് ഏപ്രില് 14ന് പൂര്ണമായും അവസാനിപ്പിക്കില്ലെന്നും ഘട്ടംഘട്ടമായി മാത്രമേ നിയന്ത്രണങ്ങള് നീക്കൂവെന്നുമുള്ള സൂചനയാണ് ഡല്ഹിയില്നിന്നു വരുന്നത്. വ്യാഴാഴ്ച മുഖ്യമന്ത്രിമാരുമായി നടത്തിയ ചര്ച്ചയില് പ്രധാനമന്ത്രി ഇക്കാര്യം വ്യക്തമാക്കിയെന്നാണ് സൂചനയെന്ന് വാര്ത്താ ഏജന്സിയായ ഐഎഎന്എസ് റിപ്പോര്ട്ട് ചെയ്തു
ലോക്ക് ഡൗണിന് ശേഷവും കൊവിഡ് വ്യാപനം തടയുന്നതിനുള്ള സുരക്ഷാ സന്നാഹം തുടരണമെന്ന് യോഗത്തില് പ്രധാനമന്ത്രി ആവശ്യപ്പെട്ടു. ദീര്ഘകാല പോരാട്ടത്തിന് ഒരുങ്ങണമെന്ന ആഹ്വാനവും പ്രധാനമന്ത്രി നല്കി. തുടര്ന്നും ഉത്തരവാദിത്വത്തോടെ എല്ലാവരും പെരുമാറണം. സാമൂഹ്യ അകലം പാലിക്കുക, ശുചിത്വം, മാസ്ക്കുകളുടെ ഉപയോഗം എന്നിവ തുടരണമെന്നും പ്രധാനമന്ത്രി യോഗത്തില് ആവശ്യപ്പെട്ടു.
'അടുത്ത ആഴ്ചയിലെ നമ്മുടെ മുന്ഗണന, ടെസ്റ്റ്, ട്രേസിങ്, ക്വാറന്റൈന്, ഐസൊലേഷന് എന്നിവയിലായിരിക്കുമെന്നും എല്ലാ സംസ്ഥാനങ്ങളും ഇതിനായുള്ള പ്രവര്ത്തനങ്ങള് ഏകോപിപ്പിക്കണമെന്നും പ്രധാനമന്ത്രി ആവശ്യപ്പെട്ടു.
ഏപ്രില് 15 മുതല് സംസ്ഥാനങ്ങള് ലോക്ഡൗണ് പിന്വലിക്കരുതെന്ന് പ്രധാനമന്ത്രി പറഞ്ഞു. ഘട്ടംഘട്ടമായേ പിന്വലിക്കാവൂ. ആള്ക്കൂട്ടം കൂടുന്നത് ഒഴിവാക്കുന്ന തരത്തിലുള്ള മുന്കരുതല് സ്വീകരിക്കണം' താക്കറെ ട്വീറ്റ് ചെയ്തതിങ്ങനെ. ലോക്ഡൗണ് നീട്ടുന്ന കാര്യമല്ല. ഘട്ടംഘട്ടമായി പിന്വലിക്കുന്ന കാര്യമാണ് താക്കറെ ട്വീറ്റിലൂടെ പറഞ്ഞിരിക്കുന്നതെന്ന് ശ്രദ്ധേയം.
ഒറ്റയടിക്കു ലോക്ഡൗണ് പിന്വലിക്കുന്നത് സര്ക്കാരിന്റെ അജന്ഡയില് ഇല്ലാത്ത കാര്യമാണ്. അങ്ങനെ പിന്വലിച്ചാല്, 22 ാം ദിവസം മുതല് ട്രെയിനുകളും വിമാനങ്ങളുമെല്ലാം സര്വീസ് ആരംഭിച്ചാല്, 21 ദിവസം നടപ്പാക്കിയ സാമൂഹിക അകലം പാലിക്കല് വെറുതെയാകുമെന്നാണ് വിലയിരുത്തല്. അതേസമയം, സമ്പൂര്ണ ലോക്ഡൗണ് നീട്ടുമോ എന്നു വ്യക്തമായി പറയാന് സര്ക്കാര് തയാറായിട്ടില്ല.
തബ്ലീഗ് സമ്മേളനത്തിനെത്തിയവര്ക്ക് കോവിഡ്19 രോഗം കണ്ടെത്തിയതാണ് സ്ഥിതി അല്പം കൂടി ഗൗരവതരമാക്കിയത്. ഇന്ത്യയിലെ കൊറോണ വൈറസ് ബാധിതരുടെ എണ്ണത്തില് വന് വര്ധനയാണ് ഇതോടെ ഉണ്ടായത്. തബ്ലീഗ് പ്രവര്ത്തകരുടെ യാത്രാവഴിയും സമ്പര്ക്കപട്ടികയും കണ്ടെത്തി വൈറസ് വ്യാപനം തടയാനുള്ള ശ്രമങ്ങള് കൊണ്ടുപിടിച്ചു നടക്കുന്നു. ഇതില് 9000ല് പരം പേരുടെ പട്ടിക തയാറാക്കി അവരെ കണ്ടെത്തിക്കൊണ്ടിരിക്കുന്നു. ഇവരെയെല്ലാം ക്വാറന്റീന് ചെയ്താലും വരുന്ന ഒരാഴ്ച നിര്ണായകമാണ്.
മുഖ്യമന്ത്രിമാരുടെ യോഗത്തിനുശേഷം ലോക്ഡൗണ് 15ന് അവസാനിക്കുമെന്നും എന്നാല് സ്വതന്ത്രമായി ഇറങ്ങിനടക്കാമെന്നു കരുതരുതെന്നും അരുണാചല് പ്രദേശ് മുഖ്യമന്ത്രി പേമ ഖണ്ഡു ട്വീറ്റ് ചെയ്തിരുന്നു. വൈറസിന്റെ വ്യാപനവേഗം കുറയ്ക്കുന്നതിന് നമ്മള് ഉത്തരവാദിത്വം കാട്ടണമെന്നും കോവിഡ്19നെ പ്രതിരോധിക്കാന് ലോക്ഡൗണും സാമൂഹിക അകലം പാലിക്കലും മാത്രമാണ് ഏക പോംവഴിയെന്നുമായിരുന്നു ഖണ്ഡുവിന്റെ ട്വീറ്റ്. ഈ ട്വീറ്റിന്റെ ഉദ്ധരിച്ച് ലോക്ഡൗണ് പിന്വലിക്കുമെന്ന തരത്തില് വാര്ത്ത വന്നതിനു പിന്നാലെ ഖണ്ഡു ട്വീറ്റ് നീക്കം ചെയ്തു.
ലോക്ഡൗണ് പെട്ടെന്ന് അവസാനിപ്പിക്കുന്നതിനു പകരം ഘട്ടംഘട്ടമായി എങ്ങനെ അവസാനിപ്പിക്കാമെന്നതില് മുഖ്യമന്ത്രിമാരോട് പ്രധാനമന്ത്രി മോദി അഭിപ്രായം തേടിയെന്നും ഐഎഎന്എസ് റിപ്പോര്ട്ട് ചെയ്യുന്നു. നിര്ദേശങ്ങള് അടുത്തദിവസം മുഖ്യമന്ത്രിമാരുമായി പ്രധാനമന്ത്രി നടത്തുന്ന വിഡിയോ കോണ്ഫറന്സില് ചര്ച്ച ചെയ്യും. അതിന്റെ തീയതി തീരുമാനിച്ചിട്ടില്ല.
" f
https://www.facebook.com/Malayalivartha