കണ്ണീർക്കാഴ്ചയായി... ഇലക്ടിക് ഹോട്ട് ബാ​ഗ് കഴുത്തിൽവെച്ച് ഉറങ്ങുന്നതിനി‌ടെ വൈദ്യുതാഘാതമേറ്റ് ഐ‌ടി എൻജിനീയർക്ക് ദാരുണാന്ത്യം.മുപ്പതുകാരനായ റോഹൻ കുബാഡി എന്നയാളാണ് മരിച്ചത്.

പൂനെയിലെ വഡ്​ഗാവ് ഷേരിയിലെ സോംനാഥ് ന​ഗർ മേഖലയിലാണ് സംഭവം നടന്നത്. റോഹൻ കഴിഞ്ഞ കുറച്ചു മാസങ്ങളായി സോംനാഥ് ന​ഗറിലെ അപ്പാർട്മെന്റിൽ താമസിച്ചു വരികയായിരുന്നു.

യുവാവിനെ പുറത്ത് കാണാതായതോടെ സമീപവാസികൾ സംശയം പ്രകടിപ്പിക്കുകയായിരുന്നു. രണ്ട് ദിവസത്തിനു ശേഷം അപ്പാർട്മെന്റിൽ നിന്നും ദുർ​ഗന്ധം വമിച്ചതോടെ പൊലീസിൽ വിവരം അറിയിക്കുകയായിരുന്നു.

റോഹനെ പലതവണ ഫോണിൽ വിളിച്ചിട്ടും പ്രതികരണമുണ്ടായിരുന്നില്ലെന്നും തുടർന്ന് മുറി തുറന്നു പരിശോധിച്ചപ്പോൾ മൃതദേഹം ജീർണിച്ച അവസ്ഥയിലായിരുന്നുവെന്ന് വീട്ടുടമ . കട്ടിലിനു സമീപം രക്തപാടുകളും ഉണ്ടായിരുന്നതായാണ് റിപ്പോർട്ടുകളുള്ളത്. ഇലക്ട്രിക് ഹോട്ട് ബാ​ഗിൽ നിന്നേറ്റ വൈദ്യുതാഘാതമാണ് മരണത്തിന് കാരണമായതെന്നും, ചൊവ്വാഴ്ച മരണം സംഭവിച്ചിരിക്കാമെന്നുമാണ് പൊലീസിന്റെ പ്രഥമിക നി​ഗമനത്തിലുളളത്. റോഹൻ അവിവാഹിതനാണ്. സംഭവത്തിൽ പൊലീസ് അന്വേഷണംഊർജ്ജിതമാക്കി.