മലപ്പുറം ജില്ലയില് കീഴാറ്റൂരില് കൊവിഡ് ബാധിതനായ എണ്പത്തിയഞ്ചുകാരന്റെ മകന് ആരോഗ്യ വകുപ്പുമായി സഹകരിക്കാത്തതിനാല് ഇയാളുടെ സഞ്ചാര പാത കണ്ടെത്താന് കീഴാറ്റൂരില് ജനകീയ സര്വേ നടത്താനുള്ള തീരുമാനത്തിലാണ് അധികൃതര്
മലപ്പുറം ജില്ലയില് കീഴാറ്റൂരില് കൊവിഡ് ബാധിതനായ എണ്പത്തിയഞ്ചുകാരന്റെ മകന് നിരീക്ഷണത്തില് കഴിയണമെന്ന നിര്ദ്ദേശം ലംഘിച്ചത് ആരോഗ്യ വകപ്പിനെ പ്രതിസന്ധിയിലാക്കി. നിര്ദ്ദേശം ലംഘിച്ച് 2000 ത്തോളം ആളുകളുമായി ഇയാള് സമ്പര്ക്കം പുലര്ത്തിയതായാണ് ആരോഗ്യ വകുപ്പിന് കിട്ടിയിട്ടുള്ള വിവരം.
ആരോഗ്യ വകുപ്പുമായി സഹകരിക്കാത്തതിനാല് ഇയാളുടെ സഞ്ചാര പാത കണ്ടെത്താന് കീഴാറ്റൂരില് ജനകീയ സര്വേ നടത്താനുള്ള തീരുമാനത്തിലാണ് അധികൃതര്. നിരീക്ഷണത്തില് കഴിയണമെന്ന നിര്ദ്ദേശം ലംഘിച്ചതില് ഇയാള്ക്കെതിരെ പൊലീസ് കേസെടുത്തിട്ടുണ്ട്. നിരീക്ഷണ സമയത്ത് ഇയാള് വിവിധ സ്ഥലങ്ങളില് പോയതായും ആനക്കയത്ത് മുന്നൂറോളം പേര് ഒത്തുചേര്ന്ന പ്രാര്ത്ഥനാ സമ്മേളനത്തില് പങ്കെടുത്തതായും ആരോഗ്യവകുപ്പ് ഉദ്യോഗസ്ഥര് കണ്ടെത്തിയിട്ടുണ്ട്. കഴിഞ്ഞമാസം പതിനൊന്നാം തീയ്യതിയാണ് ഉംറ തീര്ത്ഥാടനം കഴിഞ്ഞ് ഇയാള് തിരിച്ചെത്തിയത്.
https://www.facebook.com/Malayalivartha