നിരന്തരം വേട്ടയാടപ്പെടുന്ന സാധു ജീവികള് സ്വയരക്ഷയ്ക്ക് വേണ്ടി ചിലപ്പോഴെങ്കിലും വായ തുറക്കു... അത്രയേ ഞാനും ചെയ്തുള്ളൂ; വിശദീകരണവുമായി കായംകുളം എം.എല്.എ യു.പ്രതിഭ
മാദ്ധ്യമപ്രവര്ത്തകരെ അധിക്ഷേപിച്ച് നടത്തിയ വിവാദ പരാമര്ശത്തില് വിശദീകരണവുമായി കായംകുളം എം.എല്.എ യു.പ്രതിഭ രംഗത്ത്. ഫേസ്ബുക്ക് പോസ്റ്റിലൂടെയാണ് എം.എല്.എയുടെ വിശദീകരണം. 'മാദ്ധ്യമ പ്രവര്ത്തനത്തെക്കാള് നല്ലത്, ശരീരം വിറ്റ് ജീവിക്കുന്നതാണ്. വേശ്യവൃത്തി ചെയ്യുന്ന സ്ത്രീകളുടെ കാല് കഴുകിയ വെള്ളം കുടിച്ചുകൂടെ' എന്നായിരുന്നു പ്രതിഭ നേരത്തെ ഫേസ്ബുക്കിലൂടെ പറഞ്ഞത്. അത് വലിയ വിവാദമാകുകയും എം.എല്.എയെ പാര്ട്ടി അതൃപ്തി അറിയിക്കുകയും ചെയ്തു.
അതിന് പിന്നാലെയാണ് വിശദീകരണം നൽകി വീണ്ടും രംഗത്തെത്തിയത്.. തെറ്റിദ്ധാരണ ഉണ്ടായതില് ഖേദം പ്രകടിപ്പിക്കുന്നു എന്ന് ഫേസ് ബുക്ക് പോസ്റ്റില് പറയുന്നുണ്ടെങ്കിലും ഒരു സ്ത്രീയെന്ന എന്ന പരിഗണന വേണ്ട കേരളത്തിലെ അതിഥി തൊഴിലാളികളോട് കാണിക്കാറുള്ള മര്യാദ പോലും ചില മാദ്ധ്യമ പ്രവര്ത്തകര് കര് എന്നോട് കാണിച്ചില്ലെന്നും അവർ കുറ്റപ്പെടുത്തുന്നുണ്ട്.
പ്രതിഭ എം.എല്.എയുടെ ഫേസ്ബുക്ക് കുറിപ്പ് ഇങ്ങനെ;
''പ്രിയ സുഹൃത്തുക്കളെ ,
ഒരു ഗ്രാമീണ ചുറ്റുപാടില് ജനിച്ചു വളര്ന്ന് അതേ പ്രദേശത്ത് പൊതുജീവിതം നയിക്കുന്ന സാധാരണക്കാരിയായ ഒരു ജനപ്രതിനിധി ആണ് ഞാന്. തെറ്റുകള്ക്ക് നേരെ വിരല് ചൂണ്ടാന് ജീവിതത്തില് ഒരു നിമിഷമേ മുന്നിലുള്ളു എങ്കിലും അത്രയും നേരം ആത്മാഭിമാനത്തോടെ ജീവിക്കാന് ആണ് ഞാന് ആഗ്രഹിക്കുന്നത്. കേരളത്തിലെ അതിഥി തൊഴിലാളികളോട് കാണിക്കാറുള്ള മര്യാദ പോലും ചില മാധ്യമ പ്രവര്ത്തകര് എന്നോട് കാണിച്ചില്ല . എന്നെ അപമാനിക്കാനും വ്യക്തിഹത്യ നടത്താനും ശ്രമമുണ്ടായി. വ്യക്തിഹത്യ എന്റെ ശീലമല്ല. എന്നോട് അങ്ങനെ ചെയ്തവരോടും.
കാലാകാലങ്ങളില് ഞാന് ക്ഷമിച്ചിട്ടേയുള്ളൂ. പക്ഷേ ഒന്നോര്ക്കണം നിരന്തരം വേട്ടയാടപ്പെടുന്ന സാധു ജീവികള് സ്വയരക്ഷയ്ക്ക് വേണ്ടി ചിലപ്പോഴെങ്കിലും വായ തുറക്കു . അത്രയേ ഞാനും ചെയ്തുള്ളൂ. വേട്ടക്കാരില് നിന്നും രക്ഷപ്പെടാന് ഉള്ള ശ്രമത്തില് ഞാന് ചിലത് തുറന്നു പറഞ്ഞു. അത് എല്ലാ മാധ്യമപ്രവര്ത്തകരെയും ഉദ്ദേശിച്ചല്ല . ഞാന് ആദരിക്കുന്ന നിരവധി മാധ്യമ പ്രവര്ത്തകര് ഈ സമൂഹത്തിലുണ്ട്. മാധ്യമ പ്രവര്ത്തനം അന്തസ്സുള്ള സാമൂഹ്യപ്രവര്ത്തനം തന്നെയാണെന്ന് ഞാന് കരുതുന്നു.. എന്നാല് സമൂഹത്തില് മൊത്തത്തില് സംഭവിച്ച മൂല്യശോഷണം മാധ്യമ പ്രവര്ത്തന മേഖലയിലും ഉണ്ടായി. അവരെ സംബന്ധിച്ച് (അതായത് മൂല്യശോഷണം സംഭവിച്ച മാധ്യമപ്രവര്ത്തകരെ സംബന്ധിച്ച് മാത്രം) വാര്ത്ത ഓര്ഗനൈസ്ഡ് ഗോസിപ്പ് ആണ് . ഇത്തരക്കാരോട് ആണ് ഞാന് പ്രതികരിച്ചത്.
മാധ്യമപ്രവര്ത്തകരെ ഒന്നടങ്കം വിമര്ശിക്കാനോ അപമാനിക്കാനോ ഞാന് ശ്രമിച്ചിട്ടില്ല എന്നാല് അത്തരം ഒരു തെറ്റിദ്ധാരണ ഉണ്ടായതില് ഞാന് ഖേദം പ്രകടിപ്പിക്കുന്നു. എല്ലാവരെയും കുറച്ചുകാലത്തേക്ക് വിഡ്ഢികളാക്കാം എന്നാല് എല്ലാവരെയും എല്ലാ കാലത്തേക്കും വിഡ്ഢികളാക്കാന് കഴിയില്ല എന്ന് എബ്രഹാംലിങ്കണ് പറഞ്ഞുവെച്ചിട്ടുണ്ട് . എനിക്കും ഇത്രയേ പറയാനുള്ളൂ.
പ്രാദേശിക ഡി.വൈ.എഫ്.ഐ നേതാക്കളുമായി ബന്ധപ്പെട്ട തര്ക്കം വാര്ത്ത ആയതാണ് എം.എല്.എയെ പ്രകോപിപ്പിച്ചത്. പിന്നാലെ പ്രതിഭയെ തള്ളി സി.പി.എം ആലപ്പുഴ ജില്ലാ നേതൃത്വവും സി.പി.ഐ ജില്ലാ നേതൃത്വവും പ്രതികരിച്ചു. പൊതു പ്രവര്ത്തകര്ക്ക് ചേരാത്ത നടപടി ആണ് പ്രതിഭയുടേതെന്നായിരുന്നു സിപിഎം ആലപ്പുഴ ജില്ലാ നേതൃത്വത്തിന്റെ പ്രതികരണം, തുടര്ന്നാണ് എല്.എല്.എ ഫേസ്ബുക്കിലെ വിശദീകരണം.
https://www.facebook.com/Malayalivartha