ബന്ധുവിന്റെ മരണാനന്തര ചടങ്ങില് പങ്കെടുക്കാന് അമ്മയോടൊപ്പം യാത്ര... നടന്നും പച്ചക്കറി കൊണ്ടുവരുന്ന പിക്കപ് വാനുകളിലും മറ്റുമായി കറങ്ങി നടന്നു... ദിവസവും അമ്ബലക്കുളത്തില് കുളിയും ചായക്കടയില് നിന്നും ചായ കുടിയും! കുളത്തൂപ്പുഴയില് കോവിഡ് 19 ബാധിച്ച 31കാരന്റെ സഞ്ചാരപഥം കണ്ടെത്തുന്നത് പ്രയാസകരം...
കുളത്തൂപ്പുഴയില് കോവിഡ് 19 ബാധിച്ച 31കാരന്റെ സഞ്ചാരപഥം കണ്ടെത്തുന്നത് പ്രയാസകരം. ഇയാള് കൃത്യമായ മറുപടികള് നല്കുന്നില്ലെന്നും മാനസിക വൈകല്യം പോലെ കാണിക്കുന്നുവെന്നും ഡിഎംഒ പ്രതികരിച്ചു. ഇയാള് ബന്ധുവിന്റെ മരണാനന്തര ചടങ്ങില് പങ്കെടുക്കാന് അമ്മയോടൊപ്പമാണ് തമിഴ്നാട് അതിര്ത്തി ഗ്രാമമായ പുളിയങ്കുടിയിലേക്കു പോയത്.
ചടങ്ങില് പങ്കെടുത്ത ശേഷം പിറ്റേന്ന് അമ്മയെ അവിടെ നിര്ത്തി മടങ്ങിയെങ്കിലും പിന്നീടും അങ്ങോട്ടേക്കു പോയി. നടന്നും പച്ചക്കറി കൊണ്ടുവരുന്ന പിക്കപ് വാനുകളിലും മറ്റുമായിട്ടായിരുന്നു യാത്ര.
മരണാനന്തര ചടങ്ങില് പങ്കെടുത്ത 14 പേര്ക്കു തമിഴ്നാട്ടില് കോവിഡ് 19 സ്ഥിരീകരിച്ചതിനെ തുടര്ന്നു നടത്തിയ പരിശോധനയിലാണ് കുളത്തൂപ്പുഴ സ്വദേശി പങ്കെടുത്ത വിവരം അമ്മയില് നിന്നു ലഭിച്ചത്.
തുടര്ന്നു തമിഴ്നാട് പൊലീസ് കേരള പൊലീസിനു വിവരം കൈമാറുകയായിരുന്നു. ഇയാളുടെ മാതൃസഹോദരനെ ജില്ലാ ആശുപത്രിയില് നിരീക്ഷണത്തില് പ്രവേശിപ്പിച്ചു. ഇയാളുമായി സമ്ബര്ക്കത്തില് ഏര്പ്പെട്ട ജനപ്രതിനിധി അടക്കമുള്ള അമ്ബതുപേര് നിരീക്ഷണത്തിലാണ്.
ഇയാള് ദിവസവും അമ്ബലക്കുളത്തില് കുളിക്കുകയും ചായക്കടയില് ചായ കുടിക്കാന് പോവുകയും ചെയ്തിരുന്നു.
https://www.facebook.com/Malayalivartha