കോഴഞ്ചേരി ജില്ലാ ആശുപത്രിയില്‍ കോവിഡ് ചികിത്സയിലുള്ള 62കാരിയുടെ പരിശോധന ഫലം നെഗറ്റീവ്. മുന്‍പ് 19 പ്രാവശ്യം ഇവരില്‍ നടത്തിയ പരിശോധന ഫലം പോസീറ്റീവ് ആയത് ആരോഗ്യപ്രവര്‍ത്തകരെ വലിയ ആശങ്കയിലാഴ്ത്തിയിരുന്നു. ഇറ്റലി കുടുംബവുമായുള്ള സമ്പര്‍ക്കത്തെ തുടര്‍ന്നാണ് ഇവര്‍ക്ക് കോവിഡ് ബാധിച്ചത്.

20-ാം തവണ നടത്തിയ പരിശോധന ഫലം നെഗറ്റീവ് ആയത് ആരോഗ്യപ്രവര്‍ത്തകര്‍ക്ക് വലിയ ആശ്വാസമാണ് നല്‍കുന്നത്. കഴിഞ്ഞ 42 ദിവസങ്ങളായി ഇവര്‍ കോഴഞ്ചേരി ജില്ലാ ആശുപത്രിയില്‍ ചികിത്സയിലാണ്. രോഗം ബാധിച്ച് ചികിത്സയിലായിരുന്ന ഇവരുടെ മകള്‍ 4 ദിവസം മുന്‍പ് വീട്ടിലേക്ക് മടങ്ങിയിരുന്നു.