കിളിമാനൂർ ആർ.ആർ.വി ഗേൾസ് ഹയർസെക്കൻഡറി സ്കൂളിലെ ഒരുകൂട്ടം ഹയർസെക്കൻഡറി അധ്യാപകർ ചേർന്ന് ലോക്ഡൗൺ സമയത്ത് കുട്ടികൾക്ക് വീട്ടിലിരുന്ന് ഓൺലൈനായി  എൻട്രൻസ് മോഡൽ പരീക്ഷ സൗജന്യമായി എഴുതാൻ അവസരം ഒരുക്കുന്നു.

15.04.2020 ന് ആണ് പരീക്ഷ ആരംഭിച്ചത്.ലോകത്തിന്റെ എവിടെ ഉള്ള കുട്ടികൾക്ക് വേണം എങ്കിലും സൗജന്യമായി ഈ മോഡൽ ഓണ്ലൈൻ എൻട്രൻസ് പരീക്ഷ എഴുതാൻ സാധിക്കും.15ഏപ്രിൽ ബുധനാഴ്ച ഫിസിക്സ്,16ആം തീയതി കെമിസ്‌ട്രി,17ആം തീയതി സൂവോളജി,18ന്  മാത്സ്,19 ന് ബോട്ടണി.

തുടർന്നുള്ള ദിവസങ്ങളിൽ ഈ വിഷയങ്ങൾ ഇതേ ക്രമത്തിൽ ആവർത്തിച്ച് വരുന്നതായിരിക്കും.25 ചോദ്യങ്ങൾ ഉണ്ടായിരിക്കും.100 മാർക്കിന് ആണ് പരീക്ഷ.കുട്ടികൾ മുകളിൽ കാണുന്ന ലിങ്കിൽ കയറി അവരുടെ പേര്,സ്കൂൾ,പഠിക്കുന്ന ജില്ല എന്നിവ നൽകുക.അതിന് ശേഷം പരീക്ഷ എഴുതി തുടങ്ങാം.ചോദ്യങ്ങൾക്കെല്ലാം ഉത്തരം എഴുതിയ ശേഷം സബ്മിറ്റ് ബട്ടൺ പ്രസ് ചെയ്തിട്ട് View score പ്രസ് ചെയ്താൽ കുട്ടികൾക്ക് ലഭിച്ച മാർക്കും അത് പോലെ ശരി ആയ ഉത്തരവും അറിയാൻ സാധിക്കും.

അതോടൊപ്പം ആ ഉത്തരം എങ്ങനെ ലഭിച്ചു എന്നതിന്റെ വിശദീകരണത്തിന്റെ ലിങ്കും അതോടൊപ്പം ഉണ്ടാകും. കുട്ടികൾകളുടെ കഴിവുകൾ വികസിപ്പിക്കാനും ലോക്ഡൗണ് കാലത്ത് വീട്ടിലിരുന്നു തന്നെ യാതൊരു ബുദ്ധിമുട്ടും കൂടാതെ പരീക്ഷ എഴുതി ഭാവിയിൽ നടക്കുന്ന  മെഡിക്കൽ/എൻജിനീയറിങ് എൻട്രൻസ് പരീക്ഷയിൽ ഉന്നത വിജയം നേടാൻ ഇത് കുട്ടികളെ സഹായിക്കും.

വാട്‌സ്ആപ്പിലൂടെ ഈ ലിങ്കുകൾ പരസ്‌പരം കുട്ടികൾക്ക് അയച്ചു കൊടുക്കുന്നതാണ്. കംപ്യൂട്ടറിന്റെ സഹായം ഇല്ലാതെ മൊബൈൽ വഴി തന്നെ കുട്ടികൾക്ക് ഈ മോഡൽ പരീക്ഷ എഴുതി അപ്പോൾ തന്നെ മാർക്കും അറിയാൻ സാധിക്കുന്നതായിരിക്കും.ഈ അവസരം എല്ലാവരും പ്രയോജനപ്പെടുത്തുക. കൂടുതൽ വിവരങ്ങൾക്ക്: വിഷ്ണു.പി.ജി, 9048904990