കൊറോണ വ്യാപനത്തെ തുടർന്ന് ലോകം മുഴുവൻ ലോക് ഡൗണിലായിരിക്കുകയാണ്. അതോടൊപ്പം തന്നെ ലോകം അറിയാത്ത പല കാര്യങ്ങളും അറിയുകയും മനുഷ്യർ തങ്ങളിലേക്ക് തന്നെ ചുരുങ്ങുകയും എന്നാൽ ലോകത്തെ കരുതലോടെ പരിപാലിക്കാൻ ശ്രമിക്കുകയുമാണ് ചെയ്തുവരുന്നത്. എന്നിരുന്നാൽ തന്നെയും മനുഷ്യരുടെ കരങ്ങൾ എത്തിപ്പെടാതെ കണ്ണുകൾക്കുപോലും എത്താനാകാതെ പല ജീവിതങ്ങളും നമുക്ക് ചുറ്റുമുണ്ട്. ലോക് ഡൗണിൽ കുരുങ്ങിപ്പോയ പല ജീവിതങ്ങൾ ഉണ്ടെന്ന് ഓർക്കണം.

അത്തരം കാഴ്ചകളാണ് പലയിടത്തും പല ക്യാമറ കണ്ണുകളിലും പെട്ടുപോകുന്നത്. വാഹനങ്ങൾ ഒന്നും തന്നെയില്ലാതെ തിരക്കൊഴിഞ്ഞ റോഡ്. നടുവിലിരുന്ന് ഒരാൾ ചെറിയ വിടവുകളിൽ നിന്നു എന്തൊക്കെയോ തപ്പിയെടുക്കുന്നതാണ് കാഴ്ച. ഇരുമ്പു കഷ്ണങ്ങളാണു ആ കൈവെളളയിൽ ഉള്ളത്. വാഹനങ്ങളിൽ നിന്നു പലപ്പോഴായി ഇളകിവീഴുന്ന നട്ടുകളും സ്ക്രൂകളും ശേഖരിക്കുന്ന കാഴ്ചയാണ് കാണുന്നത് തന്നെ. ജീവിതായോധനത്തിനു വക കണ്ടെത്താനുള്ള വഴി കൂടിയാണിത്.

ഇത്തരത്തിൽ നിരവധിപേരാണ് പലപ്പോഴായി പല ക്യാമെറകളുടെയും കണ്ണുകളിൽ പെട്ടുപോകുന്നത്. നാം അറിയാതെ നമുക്ക് ചുറ്റും എത്രപേർ....? നമ്മുടെ കണ്ണുകൾ എത്തപെടാത്ത നമ്മുടെ കരുതൽ എത്താത്ത ദൂരത്തേക്ക് ഉള്ളത്. ഈ ലോക് ഡൗൺ കാലയളവിലും ഒരുവറ്റ് അരിക്കായി കാത്തുനിൽക്കുന്നത്. അവരുടെ എടുത്തേക്കും നാം പലരും എത്തിപ്പെടേണ്ടതുണ്ട്.