മന്ത്രി എം.എം.മണിയെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

തലച്ചോറില്‍ രക്തസ്രാവം ഉണ്ടായെന്ന് സംശയിക്കുന്നു.

ആരോഗ്യനില തൃപ്തികരമാണെന്ന് ആശുപത്രി അധികൃതര്‍ അറിയിച്ചു.

മറ്റു പരിശോധനകള്‍ക്കു വേണ്ടിയാണ് ആശുപത്രിയില്‍ തുടരുന്നതെന്നും അവര്‍ വ്യക്തമാക്കി.

നേരത്തെയും തലച്ചോറിനും തലയോട്ടിക്കുമിടയിലെ രക്തസ്രാവത്തെ തുടര്‍ന്ന് മന്ത്രിയെ ആശുപത്രിയില്‍ പ്രവേശിപ്പിച്ചിരുന്നു.

2019 ജൂലൈ 23-ന് അദ്ദേഹത്തെ ശസ്ത്രക്രിയയ്ക്ക് വിധേയനാക്കുകയും ചെയ്തിരുന്നു.