ഹിമാചൽ പ്രദേശിലെ ഷിംല ജില്ലയിൽ ഭൂചലനം. റിക്ടർ സ്കെയിലിൽ 4.1 തീവ്രത രേഖപ്പെടുത്തി. ശനിയാഴ്ച പുലര്‍ച്ചെ തലസ്ഥാന നഗരമായ ഷിംലയിൽ നിന്നും 130 കിലോമീറ്റര്‍ അകലത്തിലുള്ള റാംപൂരിലാണ് പ്രകമ്പനമുണ്ടായത്. പുലർച്ചെ 4:36-ഓടെ ഏതാനും സെക്കൻഡുകൾ മാത്രമാണ് ഭൂചലനം അനുഭവപ്പെട്ടത്.

ഭൂമിയുടെ ഉപരിതലത്തിന് 10 കിലോമീറ്റർ ആഴത്തിലാണ് പ്രഭവകേന്ദ്രമെന്ന് നാഷണൽ സെന്റർ ഫോർ സീസ്‌മോളജി . സംഭവത്തിൽ ആളപായമില്ല.
ആഗസ്ത് 26 നും സമാനമായ ചലനമുണ്ടായി. കഴിഞ്ഞ മൂന്ന് വർഷത്തിനിടയിൽ ആഗസ്റ്റ് 1 വരെ ഹിമാചലിൽ 67 ഭൂചലനങ്ങളാണ് റിപ്പോർട്ട് ചെയ്തിരിക്കുന്നത്.