കേരളത്തിൽ സ്വർണവിലയിൽ നേരിയ വർധന. പവന് 160 രൂപയാണ് കൂടിയത്. 1,08,280 രൂപയാണ് ഒരു പവൻ സ്വർണത്തിന്റെ വില. ഗ്രാമിന് ആനുപാതികമായി 20 രൂപയാണ് വർധിച്ചത്. 13,535 രൂപയാണ് ഒരു ഗ്രാം സ്വർണത്തിന്റെ വില.ആഗോള വിപണിയിലെ എണ്ണവില അടക്കമുള്ള വിഷയങ്ങളാണ് സ്വർണവിലയെ സ്വാധീനിക്കുന്നത്.

അമേരിക്കയിൽ പണപ്പെരുപ്പനിരക്ക് ഉയർന്നതും സ്വർണവിലയെ സ്വാധീനിക്കുന്നുണ്ട്. പലിശനിരക്ക് കൂട്ടിയാൽ സ്വർണത്തിന്റെ ആകർഷണം കുറയുമെന്നാണ് വിപണി വിദഗ്ധർ പറയുന്നത്. എന്നാൽ ഇക്കാര്യത്തിൽ യുഎസ് കേന്ദ്രബാങ്ക് കൂടുതൽ വ്യക്തത വരുത്താത്തതാണ് താത്കാലികമായെങ്കിലും സ്വർണവില വർദ്ധിക്കാൻ കാരണം.ജനുവരി 29ന് രേഖപ്പെടുത്തിയ 1,31,160 രൂപയാണ് സ്വർണ വിലയിലെ റെക്കോർഡ്.