വലപ്പാട് ബീച്ചിന് സമീപം ഒരു കുടുംബത്തിലെ അമ്മയെയും നാലര വയസ്സുകാരനായ മകനെയും ഗൃഹനാഥൻ കഴുത്തറുത്ത് കൊലപ്പെടുത്തി. പുലർച്ചെ ഒന്നരയോടെ ഉണ്ടായ കുടുംബവഴക്കാണ് ഈ ദാരുണമായ ദുരന്തത്തിന് കാരണം. ചോരയിൽ കുളിച്ച് ജീവനുവേണ്ടി പ്രാണരക്ഷാർത്ഥം ഓടിയ ഭാര്യയ്ക്ക് പിന്നാലെ, സ്വന്തം ചോരയിൽ പിറന്ന പിഞ്ചുകുഞ്ഞിനെയും ക്രൂരമായി അറുത്തുകൊന്ന ശേഷം പ്രതിയും ആത്മഹത്യയ്ക്ക് ശ്രമിച്ചു. അതീവ ഗുരുതരാവസ്ഥയിലായ പ്രതി ഇപ്പോൾ മെഡിക്കൽ കോളേജിലാണ്.

കുടുംബത്തിൽ മറ്റ് പ്രശ്നങ്ങളോ വിജേഷിന് ദുശ്ശീലങ്ങളോ ഉണ്ടായിരുന്നില്ലെന്ന് വിസ്മയയുടെ അമ്മ മാധ്യമങ്ങളോട് പ്രതികരിച്ചു. എന്നാൽ, വിസ്മയയുടെ ആൺസുഹൃത്തുക്കളുമായുള്ള കൂട്ടുകെട്ടും അവരുടെ കൂടെ പുറത്തുപോകുന്നതും വിജേഷിന് ഇഷ്ടമല്ലായിരുന്നു. ഇത് മനസ്സിൽ വെച്ചുള്ള കടുത്ത സംശയമാണ് കൊലപാതകത്തിലേക്ക് നയിച്ചത്. സുഹൃത്തുക്കളാണ് തനിക്ക് വലുതെന്ന നിലപാടിലായിരുന്നു വിസ്മയ.